Kategoria: Barriak
Ikasturte honetan beharginon prestakuntzarako hainbat saio egin ditugu. Azkenengoa, uztailekoa, “Hizkuntzak irakasten: joerak eta aukerak” izenburukoa izan da.
Labayru Fundazioaren jardueretako bat euskerea irakastea da, horretan daroaguz berrogeta hamar urtetik gora. Irakasteko moduak eta ikasleen preminak eten barik aldatzen doaz, eta guk horretara egokitu beharra daukagu.
Irakaslea Asier Astigarraga izan dogu, Labayru ondo be ondo ezagutzen dauena bertan hainbat urte eginda, eta gaur egun irakaskuntzan diharduetan. Labayruko laguntzaile dan aldetik, bere ekarpena dohaintza gisa egin dau.
(gehiago…)
Herri ondarea lantzen dogunetik, gure ardurarik handienetakoa da jakintza hori bergizarteratzea, transmisinoa ziurtatzea. Eta horretarako hainbat bitarteko erabilten ditugu. Oingoan, Bedian, herriko umeen udalekuetako jarduera baten parte hartu dogu, modu ludikoan herriko jakingarriak erakusteko.
Onditz Mendizabal monitorea Arratiako tranbiako txofer bihurtu da, Cosme, eta paradatik paradara tikeak emonaz, ibilbidetxu bat egin dabe, galderak eta frogak eginaz, tikeok irabaziz. Halan ikasi dabe eleizearen, udaletxearen, eskolearen eta plazako monumentuaren barriak; Bediakolearen izenaren esangurea; arbola motak; jolasak, boloak kasurako…
(gehiago…)
Idatz & Mintz aldizkaria, laster 40 urte beteko dituan aldizkaria, 70. zenbakira heldu da. Oingoan be hainbat testu mota dakarz, irakurle mota guztiak asetzeko moduan. Azaleko irudia Enrique Morenterena da.
Narrazinoetatik hasita, honeek dagoz: Iratxe Ormatzaren “Paketeak”; Miren Agur Meaberen “Ama pixelatua”; eta Lourdes Unzuetaren “Efemerideak”.
Jabier Kaltzakortak Bizente Barandiaranek egindako kronika bat erreskatau dau, “Uztapiderekin egindako ibilaldiak” deitu ebana egileak berak.
(gehiago…)
Labayruko Udako Ikastaroak 52. edizinoa dau aurtengoa. Txiri-txiri aurrera doan egitasmoa da.
Aurten txanda bi egingo dira, azkenengo urteetan egin dan moduan. Boluetan eta Colon de Larreategin bananduta, sei gazte-talde dabilz oingoan euren mailak beteten.
Ikastaro trinkoak dira, aste bikoak, zapatu eta guzti. Egunean sei eskola-ordu egiten dabez astegunetan, eta lau zapatuetan.
(gehiago…)Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
