Kategoria: Barriak
Aurtengo Klasikoen Irakurketa Jarraituan Bernat Etxepareren Linguae Vasconum Primitiae liburua irakurri dabe gizarteko hainbat arlotako lagunek. Bertan izan dira Labayruko kideak be, gure eskoletako ikasle-irakasleak.
Izan be, Bilbozaharra euskaltegiak urteotan eratuten dauen irakurraldi hori, euskera ikasten dabilzan ikasleen omenez egiten da. Horregaitik, parte hartzaileetako asko ikasle-irakasleak dira.
Urtero idazle klasiko baten idazlan klasiko bat irakurten da, eta aurten Etxeparek idatzitako poema-liburua ekarri dabe ekitaldi honetara. Hamalaugarren edizinoa izanda, garai, lurralde eta euskera mota guztietako idazlanak plazaratu dabez. Bide batez, idazleok eta idazlanok gaurkotu egin dabez.
Labayruko ikasleak urtero parte hartu dabe jarduera horretan, eta aurten be han izan dira kide batzuk gure izentazinoa egiteko. Edizino berezia izan da, gagozan egoerara egokitua, saretik be jarraitu ahal izan dana.
Etxepareren lana euskeraz inprentaz emondako lehenengo liburua izan zan, eta bera jakitun zan horren garrantziaz. Orduko mugarria barriztau egin da Arriaga antzokian, euskera Bilboko plazara ateraz.
Aurten be, Bizkaiko herrietako kultura-ondarea batzen eta gizarteratzen jarraituko dogu. Eskuartean daukaguzan egitasmoen artean bi nabarmenduko doguz: Gatikako udalaren eskariz egingo dogun Herri Egutegiaren ganeko monografikoa, eta Zamudioko udalerako prestauko dogun baserrien katalogoa.
Gatikako kasuan herriko XX. mendeko bizimodu tradizionala batzea da helburua, herri egutegiaren ikuspegitik landuta. Horretarako ahozko grabazinoak egin doguz edade desbardinetako gatikoztarren artean, gizaldi horretan jaiak eta ospatzeko moduak zelan aldatu diran ikusi ahal izateko.
(gehiago…)
Udako euskerako ikastaroak iragarrita eta prest dagoz, ekainaren amaieran eta uztailaren hasieran, hamabost eguneko txanda bitan egiteko. Honezkero matrikula egin daiteke eta jentea hasi da izena emoten.
Eskaintza zabala da: euskera ikasteko maila guztiak, bizkaieraz eta batuaz, HABEko azterketak prestatzeko ikastaro bereziak, itzulpen-ikastaroa. Horrezaz ganera, irailean teknikarirako prestatzeko ikastaroa egingo da. Ikastarook Bilbon emongo dira, Boluetan eta Colon eta Larreategin.
(gehiago…)
Hiru erakundeok hitzarmen markoa sinatu dabe lau urterako, aldi horretan alkarregaz jarduteko urtean-urtean adostutako egitasmoak beteteko. Hitzarmen horren aterpean, Labayru Fundazioak mendebaldeko euskerea lantzen, finkatzen eta zabaltzen jarraitzeko ardurea hartzen dau, lexikografia eta gramatika arloetan batez be.
Gaurko agerraldian parte hartu dabe Lorea Bilbao Bizkaiko Foru Aldundiko Euskera, Kultura eta Kiroleko diputaduak, Bingen Zupiria Kultura eta Hizkuntza Politikako sailburuak, eta Igone Etxebarria Labaryru Fundazioko zuzendariak.
(gehiago…)Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
