Kategoria: Barriak
Azaroaren 26an Elorrioko toponimiaren gaineko berbaldia emon dau Asier Bidart Labayrukideak. Elorrioko Udalak bertako ondarea erdal hiztunei ezagutzera emoteko zikloa antolatu dau aurten, Bizkaiko Foru Aldundiaren Ondareari buruzko Europako Jardunaldien babespean. Guztira bost hitzaldi aurreikusi dabez eta Elorrioko baserriak, kurutzeak, kofradiak, toponimia eta lorategiak izango dira berbagai nagusiak.
Zikloaren hirugarren hitzaldia izan da eta bertan 2003-2006 urte bitartean Labayru Fundazioak, Elorrioko Udalaren eskariz, egindako ikerketaren eta gizarteratzearen barri emon da, bai eta bertako toponimiaren ezaugarri eta bereizgarriei buruzko informazinoa be. Berbaldian udalerriko berein errealidade geografiko bertako toponimiagaz buztartu da; uria eta auzoak, olak eta errotak, haizeolak, auzobasoak, kortak eta neberak, besteak beste.
Aurtengo zikloaren laugarren berbaldia abenduaren 3an izango da, Elorrioko lorategien gainekoa, eta zikloaren bosgarren eta azkena, abenduaren 17an, Elorrioko baserrien arkitekturaz.
Sabino Arana Fundazioak eta Bilbao 700 Fundazioak alkar hartuta, “Euskal literatura eta memoria” izeneko jardunaldia eratu dabe azaroaren 20an Bilbon. Erakunde biok memoriaren ganean eratuten daben hirugarren saioa da.
Igone Etxebarria Labayru Fundaziokoa ibili da eratzen laguntzen, eta jardunaldian bertan aurkezle edo moderadore. (gehiago…)
Joan dan urriaren 28an, mahai-ingurua egin eben Deustuko Unibersidadean, Labayru Fundazioa gonbidatuetako bat zala.
Mahai-ingurua Euskal Hizkuntza eta Kulturako Graduko ikasleei egoan zuzenduta, “Urtenbide profesional ezohikoak” izenburuagaz. Itxura guztien arabera irakaskuntzan oin eta etorkizun hurbilean lana aurkitzeko aukera ziurra izanik be, beste urtenbide batzuk be izan daitekezala erakustea zan mahai-inguruaren helburua. (gehiago…)
Ondarearen Europako Jardunaldien harira, Ondarea plazara! lelopean, aurten be ikusentzunekoa landu dogu Busturiko Udalak eskatuta: Busturian lehengo amesak orain loran.
Bideoa joan dan urriaren 25ean aurkeztu zan Altamirako Kultur Etxean. Izan be, Altamirako Kultur Etxea eta Axpeko Gizarte-etxea atxakiatzat hartuta, XX. mendearen hasieratik eta gaur egunera bitartean, auzo bietan, kultur talde desbardinek izandako bilakaerea jorratu da.
Herri txikia izan arren, kultur talde eta kultur ekintzen aldetik, herri aberatsa eta eragilea izan da Busturia: antzerkia, dantzak, musika, kirola, jaien antolaketa… Umeak, gazteak eta edadekoak alkar hartuta, beti be, batzuen akulari lanari esker.
Aurkezpenera batu ziran egitasmoan parte hartu daben lekukoetako batzuk eta ostantzeko herritarrak. Bai batzuk eta bai besteek asko disfrutau eben aspaldiko kontuak gogoratzean.
Udalaren izenean Idoia Etxebarria eta Naiara Ruiz zinegotziak egon ziran eta Labayru Fundazioarenean Adolfo Arejita eta Akaitze Kamiruaga.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
