Kategoria: Barriak
Dagoeneko heldu da Botaba esamoldeen erronkan lehiatzeko ordua; izan ere, behin “beroketa-fasea” amaituta, parte-hartzaileek azaroaren 4tik 25era arte izango dute aurreko egunetan ikasitako guztia probatzeko aukera.
Hortaz, epe horren barruan aurkeztu beharko dituzte lan guztiak. Esamolde bat edo batzuk aukeratuta, bideo bat grabatu beharko dute lehiakideek, gero Instagramera igotzeko #botaba traola erabilita. Dena dela, Instagramera igotzeko modurik ez duenak botaba@labayru.eus posta elektronikora bidaltzeko aukera izango du. Esamoldeak ondo erabiltzea eta bideoa originala izatea izango dira, besteak beste, sariak banatzeko epaimahaiak kontuan hartuko dituen ezaugarrietako batzuk. (gehiago…)
Joan dan urriaren 23an, Deriora etorri ziran Xabier Amuriza eta Karmelo Uriarte. Bisitaren arrazoia zan Karmelok idatzi dauen liburua ia argitaratuko dogun.
Karmelo Uriarte Zeanurin jaioa da, Ipiñaburutik gorako baserri baten. Han bizi zaneko bizimodua, beharrak, familia-hartuemonak, lagunartea, ohiturak eta siniskerak barru-barrutik bizi izan ditu eta halantxe kontau. (gehiago…)
Euskera dantzan ipini dogu urriaren 22an, BBK Gelan egin dogun ekitaldian. Udako Ikastaroen urteurrena izan da horretarako atxakia.
Ekitaldian gure ikasle-irakasleek ezeze, hainbat lagunek parte hartu dabe: Eusko Jaurlaritza, Bizkaiko Foru Aldundia, Bilboko Udala eta BBK Fundazioaren ordezkariek, Euskaltzaindia, Sabino Arana Fundazioa, BAMeko zuzendaria, Bizkaia Irratikoa eta euskalgintzako hainbat lagunek.
Ekitaldia Xabier Payak aurkeztu dau eta Amilotx dantza-taldeak egin dau dantza-erakustaldia. Bitartean, oroimen bideoa eta zorion-agurren bideoa ikusi ditugu. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
