Kategoria: Barriak

Jabier Kaltzakorta ahozko ondarea zabaltzen

0
Argitaratze data: 2019-10-04 Kategoria: Barriak, Literatura

Urriaren 3an Jabier Kaltzakortak hitzaldia egin dau Durangoko Museo Historikoan, Ondarearen Europako Jardunaldien barruan.

Museoko goiko ganbarako aretoan hainbat lagun batu dira hitzaldira. Aurtengo gaiak “Ondarea plazara!” dauka izena, eta ospakizun, jai, eszenaratze moduan egiten diran jarduerei zuzenduta dago, beti taldea eta gizartea parte hartzaile dala egiten diran jarduerei.

Euskal baladak hartu ditu berbagai Jabierrek, ahozko transmisinoko literaturan genero berezia osotzen dabenak. Euskal baladetan 75 gai inguru ditu berak katalogauta eta gaika sailkatuta. Batzuk gure tradizinoan ez eze, Europako beste hainbat lurraldetan be zabal dabilz, antzeko gertaerak kontatzen dabezala.

Hitzaldian balada historikoak hartu ditu gaitzat, hain zuzen be, lokalenak diranak, gertaera zehatzei buruzkoak dira eta.

Adolfo Arejita Euskadi Irratian aholkulari

0
Argitaratze data: 2019-10-04 Kategoria: Barriak, Hizkuntza

Irailean hasita, Adolfo Arejitak Euskadi Irratiko Faktoria saioan parte hartzen dau euskerari buruzko gaiak azaltzen.

Astelehenetan, goizeko 9:30ak aldera sartzen da Adolfo emisinoan. Hizkuntzaren erabileraren inguruan, batez be hiztegiko gorabeherak erabilten dabez. Aktualidadeak, eguneko gaiek, berba edo kontzeptu barriak ekarten dabez, eta horreek euskeraz zelan erabili izaten da berbagaia.

Honezkero hasita dago, eta ikasturte osoan jarraitzeko da.

 

Botabaren “beroketa-fasea” hasi da

0
Argitaratze data: 2019-10-01 Kategoria: Barriak, Hizkuntza

Urrian sartu gara dagoeneko, beraz, lehiaketaren “beroketa-fasean” murgildu gara bete-betean. Tarte honetan, jolasean ondo pasatzeaz gain, Botaban nola parte hartu behar den ikasiko dute lehiakideek. Erronkak, asmakizunak, zozketak eta hainbat sorpresa izango ditugu Instagrameko Botabaren kontuan (@botabaerronka).

Horrela, astean-astean ariketa desberdinak proposatuko dira: abestien, hieroglifikoen, irudien… bitartez esamoldeak ezagutu eta horien erabilera zein den ikasiko dute parte-hartzaileek, lehiaketarako trebatzen joateko.

Ariketa batzuek saria izango dute eta zozketak egingo dira parte hartzen dutenen artean. Sari horiek ere ez dira edonolakoak izango: Bilbao BBK Live eta Donostia Festibalerako sarrerak Last Tourren eskutik, Mr. Euskaldunen produktu pertsonalizatuak… (gehiago…)

Gramatika eskura

0
Argitaratze data: 2019-09-26 Kategoria: Barriak, Hizkuntza

Gaur, hilak 26, Esanetik idatzira, Gramatika-Estiloen zabuan izeneko liburua aurkeztu dogu Bilbon, BBK Aretoan. Han egon dira Adolfo Arejita, lanaren egilea, Ana Oar-Arteta, laguntzailea, eta Bingen Zupiria, Kultura eta Hizkuntza Politikarako sailburua, lanaren laguntzaile gisa.

Adolfok liburuaren edukiaren nondik norakoak azaldu ditu: gramatikako edukiak dira, 40 urteko irakaskuntza-jardueran batutako apunteetan oinarrituta, astean-astean egiten dituan artikuluen bilduma bat, gaiak gramatikakoak izanda be arloak orekatuta ditu. Ez da gramatika bat berez, han hor hemen entzun eta irakurritako adibideetatik abiatuta, idazleen erabilerak eta ahozko erregistro ohikoak gogoratzera dator egilea. (gehiago…)

Labayru gaur

Bilatu

Saskia

Artxiboa

Kategoriak