Kategoria: Barriak
Urrian egiten dira Aldundiak koordinautako Ondarearen Europako Jardunaldiak. Programa horren barruan, Labayruk udaletarako egindako lanak aurkeztu izan dira.
Alde batetik, Busturian ikusentzunezko bat aurkeztu zan ume-jokoei buruz, Ostu-ostuka eta txopinka. Herriko liburutegian hainbat jente batu zan ekitaldirako, bai bideoa egiten lagundu daben barri-emoileak, bai bestelako herritarrak. Izan be, olgetako moduak aldatzen doaz belaunaldirik belaunaldi, eta horren barri emoten da bideoan. (gehiago…)
Domusantu egunerako gaur egun herri guztietan ospatzen da era batera edo bestera Arimen gaua, kalabaza, aramu eta osagarri guztiakaz. Jai horrek munduan zehar beste adierazpide batzuk be baditu kulturaren arabera, eta gaur egun gure artean be halan ospatzen dabez batzuek. Mexiko eta inguruko herrialdeetatik gure artera etorritako askok el día de los muertos jaia ospatzen dabe. Halan jaso dogu Bilbon, aurten lantzen gabilzan Mundubete jai egitasmoaren barruan. (gehiago…)
Esanetik Idatzira II. Berba eta hizkiak gramatika goruan izenburuagaz, gramatikako gaiak lantzen dituan liburua dakar bigarrenez Adolfo Arejitak, Ana Oar-Artetaren laguntasunagaz.
Aurretik holako beste bat atera zan 2019an, Gramatika-Estiloen zabuan azpi-izenburuagaz. Oraingoan 40 gai hartzen ditu guztira liburuak, hainbat gramatika-edukiren ganean. Hamar atal nagusitan antolatuta dagoz artikuluok, gramatika-arlo jakinei buruz. Bakotxean hiru-sei gai bitartean landu dira. (gehiago…)
Zamudioko baserrien ganeko monografia aurkeztuko da urriaren 21ean, Zamudiotorren, 11:00etatik aurrera. Ekitaldi hori Ondarearen Europako Jardunaldien barruan sartzen da. Labayru Fundazioak Zamudioko baserrien ganeko ikerketa egin dau, artxiboetan informazinoa arakatuta, eta herritarrei galdetuta. Horren emaitza liburu bat da, herriko baserri bakotxaren ganeko informazino puntualagaz. Toponimiari, baserriaren izenari, asko erreparetan jako lan horretan, eta horrez ganera ezaugarri batzuk nahiz denporan zehar izandako erabilerak be jasoten dira. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
