Kategoria: Barriak
Derioko egoitzan UZEIko arduradunen bisita hartu dogu ekainaren 12an. Imanol Urbieta eta Miriam Urkia etorri jakuz, alkarren barri hobea izateko. Labayrutik Igone Etxebarria eta Gorka Insunza egon dira eurakaz.
Egoitza ikusteaz ganera, batzuk eta besteek eskuartean darabilezan egitasmoen ganean jardun dabe. Izan be, biek lantzen dabez lexikografiako arloak, eta teknologiako bitartekoetan be premina batzuk bardintsuak daukiez.
Aurten be Arriagako irakurraldian parte hartu dogu. Euskera ikasten dabilzan ikasleen omenez egiten dan ekitaldi honetan, aurten Andu Lertxundiren Otto Pette nobela izan da irakurgaia. Irakurraldi berezia da, jente askoren artean egiten dalako.
Egun osoan zehar, kirol, kultura, gizarte arlo guztietako personak igaro dira Arriaga antzokitik ekainaren 6an Lertxundiren nobelea irakurten. Batak besteari segida emon, atal baten ostean beste bat, halan joan da eguna.
Honezkero hainbat idazleren idazlanak irakurri dira honetara, irakurraldiagaz batera egilearen eta obraren barriak zabalduz. Gure ikasleak be han izan dira.
Labayru Fundazioa EGAko azterketak egiteko Zentro Homologatua da. Hemendik aurrera EGArik gehiago ez da egingo, HABEk antolatzen dauan C1 azterketak hartuko dau haren tokia.
Labayru Fundazioak jarraituko dau C1 azterketa horretarako zentro homologatua izaten, eta azterketa horretara aurkezteko baldintzak be ez dira aldatuko. Orain arteko moduan, urtean deialdi bi egongo dira.
Informazino gehiago gura izan ezkero, jarri harremanetan gugaz.
Jabier Kaltzakortak euskal baladak zer diran erakusteko ekitaldia egin dabe Markinako udaletxean maiatzaren 10ean. Izan be, Udalak haren liburu bikotxa argitaratzen lagundu eban, eta orain herrian horren barri emoteko aukerea euki dabe.
Jabierrek Maddi Oihenart kantaria euki dau lagun, berak argibideak emon eta Mayik baladok kantuan emoteko.
Areto bete lagun batu dira, giro ederrean, gozatzen. Izan be, balada asko eta asko herri-kantu modura ezagunak ditugu, eta horri Jabierren jakituria gehitu ezkero, kantuok beste era batera jasoteko bidea emoten da.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
