Kategoria: Barriak
Udalaren enkarguz, Gatikako baserrien katalogoa argitaratu dogu. Udalak herritarrei zabaltzeko gogoa dauka, eta aurkezpen bat be egin zan. Horren harira, Akaitze Kamiruaga egileak hedabideek erakutsitako interesari erantzun deutsie. Hona hemen agerraldiak.
Industrializazinoak Galdakaon euki dauen eragina jaso dogu bideo-liburuxka baten. Horren aurkezpena otsailaren 14an egin da Galdakaoko Gandasegiko eskoletan, aretoa jentez beterik dagoala. Gaia adierazteko ardatza Dinamita eta Josefina lantegien ibilbidea eta herrian euki daben eragina izan da.
Bideoa egiten parte hartu daben barriemoile gehienak egon dira aurkezpenean, baita be Bridgestone eta Maxam enpresetako arduradun gorenak be. Ekitaldia Aintzane Urkiza zinegotziak aurkeztu dau, ondo etorria emonaz hara batutako jente guztiari. Hurrengo, Adolfo Arejita Labayru Fundazioko zuzendariak berba egin dau industria-ondareari orain arte emon jakona baino garrantzi handiagoa emotea merezidu dauala azpimarratuz. (gehiago…)
Galdakaoko Udalean prentsaren aurrean iragarri dogu hilaren 14an Galdakao industrializazinoaren ikusian dokumentalaren eta liburuxkaren aurkezpena egingo dala. Lana Udalaren enkarguz egin dogu, herriko jentearen lekukotasunakaz osotuta, eta aurkezpenean parte hartu dabe Errupin Jauregi Galdakaoko zinegotziak, Adolfo Arejita Labayru Fundazioko zuzendariak eta Igone Etxebarria lanaren egile legez.
Konbitea zabala da, 14an, arrastiko 6:30ean, Gandasegiko eskoletako aretoan.
Galdakaon XIX. mende amaieran hasi ziran beharren La Dinamita eta La Firestone. Bietan herriko eta inguruetako jente askok behar egin dau, eta herrian eragin itzela euki dabe. XX. mende erdirantza beste goraldi bat egon zan eta horrek be aldaketak ekarri zituan. Ibilbide horren haria azalduko da ordu erdiko bideoan, eta batera daukan liburuxkan. Bideoa euskeraz egin da, gaztelaniaz azpidatzita, eta liburuxka be euskeraz dago, laburpena daukala gaztelaniaz eta ingelesez.
Hemen aurrerapena.
Euskerea ikastea prozesu bat da eta bizitzako aldi bakotxak beharrizan batzuk dakarz. Labayru Fundazioak emoten dituan eskoletan era askotako ikasleak dagoz, bakotxaren helburuaren arabera.
Holako kasua da seme-alabak euskeraz ikastera bialtzen daben gurasoena. Umeei laguntzeko eta euren ikasketa-prozesua ondotik jarraitzeko premineak eraginda, berbaz ahozko komunikazinoa lantzeko ikastaroa jarri da martxan hemendik eta ikasturte amaierara Begoñazpi ikastolako gurasoen artean.
Talde bi eratu barri dira, eta baliteke gehiago sortzea esperientziaren arabera.
Dana dala, ekimen hau ez da barria gure artean, Iparragirre ikastolan aspalditik dagoz guraso-taldeentzako eskolak, euren beharretara egokituta.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
