Kategoria: Barriak
Bueltan da BOTABA lehiaketa. Euskal esamoldeen erronkak ahalik eta gazte gehienengana heltzea du helburu aurten ere. Horretarako, indarberrituta, berrikuntzekin eta gogotsu dator bigarren edizioa.
Beste behin ere, Labayru Fundazioak Gaztea irratia izango du bidelagun egitasmo honetan, baina ez da kolaboratzaile bakarra izango. Iaz Zuriñe Hidalgo, Alex Sardui eta Aritz Aduriz izan ziren promozio kanpainako protagonista nagusi, eta aurten aurpegi berriak izango ditugu lehiaketako enbaxadore lanetan, erronka Euskal Herriko zein mundu zabaleko euskaldun gazteen artean zabaltzeko. Iban Garcia youtuberrak, Aitziber Garmendia aktoreak eta Isma Pereira El Conquistador del Fin del Mundo saioko lehiakide oihak etengabeko jarraipena egingo diote lehiaketari beraien Instagram kontuetatik. (gehiago…)
Idatz & Mintz literatur aldizkariaren 64. zenbakia argitaratu barri da, udan. Betiko moduan, era askotako idatziak dakarz, baita idazleak be.
Narrazinoan, Miren Agur Meaberen “L’Etoile” izenekoa, Iratxe Ormatzaren “Osabaren Kabriolek gorria”, Lourdes Unzuetaren “Lurra dinot” eta Peru Amorrortu idazle nobelaren “Lehen (eta azken) kronika” izeneko idazlanak ditugu irakurgai. (gehiago…)
Labayru Fundazioak euskerea ikasi gura dabenentzako, hobetu gura dabenentzako edo EGA prestau gura dabenentzako eskaintza ederra dakar aurten be. Alfabetatzeko eta euskalduntzeko maila guztiak, EGA eta hizkuntza-eskakizunak eskuratzeko ikastaroak, HABEren agiri ofizialak lortzeko eskolak, eta mintzamena edo bizkaierea hobetzeko ikastaroak emongo ditu ikasturte barrian.
Aitatu behar da alfabetatzeko ikastaroetarako ikasle barriek sarrera-azterketea egin beharko dabela. Irailaren 24an izango da, 16:00etan.
(gehiago…)
Labayru Fundazioak emoten dituan udako ikastaroek ia ehun ikasle hartu ditue bagil eta garagarrilean. Bi hamabostalditan banatuta, hamar talde sortu dira, iaz baino gehiago. Aurtengo edizinoaren balorazino ona egin dau Labayruk, eta ikasleek erantzundako inkesten emaitzei erreparatuta, hareek be oso gustura ibili dira.
Bagilaren 18tik 29ra bitartean, alfabetatzeko eta EGA prestatzeko ikastaro trinkoa hartu eben gaztetxoek. Garagarrilaren 2tik 14ra, barriz, Labayruk 49. urtez eskaini dituen udako ikastaroetan batu dira hainbat ikasle, gazte zein nagusi. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
