Kategoria: Barriak

Labayru Fundazioko kideen agerraldia Eusko Legebiltzarrean

0
Argitaratze data: 2017-10-25 Kategoria: Barriak, Etnografia
Jasone Agirre, batzordeburua, Akaitze Kamiruaga eta Igone Etxebarria.

Urriaren 24an Akaitze Kamiruagak eta Igone Etxebarriak agerraldia egin daebe Gasteizko Eusko Legebiltzarrean, Euskal Kultura Ondarearen Lege Proiektua dala-ta. Lege horrek, besteak beste, Labayru Fundazioko Etnografia Sailak ia berrogeta hamar urtean lantzen dabilen ondare immateriala kudeatuko dau. (gehiago…)

Luisma Peñaren hitzaldia Ondarearen Jardunaldietan

0
Argitaratze data: 2017-10-21 Kategoria: Barriak, Etnografia

Urriaren 19an Luis Manuel Peñak hitzaldia egin dau Derion Ondarearen Europako Jardunaldien barruan. Aurtengo gaia paisaia dala kontuan hartuta, hortik oratu deutso Luismak hitzaldiari, izenburu honegaz: “La actividad agraria y su reflejo en el paisaje”.

Nekazaritzak eragin zuzena dauka paisaian, argi dago. Nekazaritza motaren arabera, eta aldian aldian hartutako erabagien eraginez, paisaia ezbardinak ezagutzen ditugu gure artean.

Baina horren aurretik ‘paisaiari’ buruzko gogoeta batzuk egin ditu hizlariak: zer da paisaia kanpotik ikusten dogunean, eta barrutik paisaia horren parte garanean?

Jakintzaz ganera, gogoetarako be hainbat gai jarri ditu mahai ganean. Oso interesgarria!

 

Kulturaren memoriari buruzko mintegia

0
Argitaratze data: 2017-10-18 Kategoria: Barriak, Ekitaldiak, Kategoria gabea, Literatura

Urriaren 18 eta 19an Igone Etxebarriak Euskal Kulturaren Memoriari buruzko mintegian parte hartu dau Sabino Arana Fundazioan, Bilbao 700 Fundazioak eratuta.

XX. mendeko memoria gogoratzeko helburuagaz, kulturaren ikuspegi askotatik aztertu dabe gaia hainbat adituk.

Lehenengo egunean Igone Etxebarriak euskal literaturaren gainean jardun dau, Alberto Lopez Etxebarrietak zineari buruz, eta Javier Viarrek artea aztertu dau. Bigarren egunean beste hiru arlo erabili dira: Mercedes Albainak musikea, Joseba Lopezortegak BOSen historia eta Josu Chuecak kultura bideratzeko azpiegiturak.

Euskararen Aholku Batzorde barria

0
Argitaratze data: 2017-10-05 Kategoria: Barriak, Hizkuntza

Eusko Jaurlaritzak Euskararen Aholku Batzordea barriztau dau. Kideen artean Labayru Fundazioko Artezkaritzako hiru kide dagoz: Jokin Gorozika presidentea, Miren Josune Ariztondo eta Nere Mujika.

Batzorde horren egitekoa Jaurlaritzari aholku emotea da, euskeraren inguruko jardunaz. Lan egiteko metodologiari jagokonez, gai batzuk orokorrean lantzen dira; beste batzuk, ostera, lan-taldeen bitartez.

Izendapena lau urterako da, eta urriaren 4an egin dabe lehenengo batzarra, Iñigo Urkullu Lehendakaria buru dala.

Labayru gaur

Bilatu

Saskia

Artxiboa

Kategoriak