Kategoria: Etnografia
‘Andrak bizi-erakusle Galdakaon’ izenburutzat hartuta, mahai-ingurua eratu dogu Galdakaon, Udalak eskatuta. Jarduera hori aurtengo Ondarearen Europako Jardunaldien barruan sartu da.
Herriko jenteak partu hartu dau mahai-inguruan, arlo ezbardinetan dabilena, adin ezbardinetakoak, ibilbide ezbardina egindako personak: (gehiago…)
Leioako Euskal Herriko Unibersidadeko Medikuntza Historiaren Euskal Museoan ospatu zan Euskalerriko Etniker Taldeen 41. Batzarra. Aurten Bizkaiko taldeak eukan jardunaldia antolatzeko ardurea. Bertara herrialde desbardinetako 30 kide inguru batu ziran.
Anton Erkorekak egin eban lehenengo aurkezpena; eta horren ostean, Luis Manuel Peñak, Etniker Bizkaia taldearen idazkari lez, zuzendu eban batzarra gai-zerrendeari jarraituta. (gehiago…)
Andren lekua ondarearen transmisinoan izan da aurtengo Ondarearen Jardunaldietako gaia. Gai horreri helduta, Bediako andren ekarpenaren barri batu dogu bideo baten.
Belaunaldi ezbardinetako lekukoen bitartez, familia barruan, herrian, lanbideetan eta ohituretan ze aldaketa egin diran jaso dogu. Gauza batzutan asko aurreratu dogu, beste batzutan ez hainbeste; arlo batzutan bardintasunerako bidean goaz, beste batzutan, urruntzen, antza. (gehiago…)
Joan dan urriaren 25ean, Zamudioko Udalak Ondarearen Europako Jardunaldien barruan antolatu dauzan ekitaldien artean, Ondarea sortu eta betikotu duten emakumeak izenekoa ospatu zan.
Jardunaldia zati bitan banandu zan. Lehenengoan Igotz López alkateak eta Adolfo Arejita Labayru Fundazioren zuzendariak, Labayruko ondare atalean egindako Zamudioko emakumeak bizitzaren ardatzean izenburuko bideoa aurkeztu eben.
Horren ostean, bideoan herriko lekukoen testigantzen bidez ikusitakoaz gogoeta egiteko mahai-ingurua egin zan. Udane Goikoetxeak gidatu eban solasaldia eta hiru hizlarik hartu eben parte: Mónica Gomez, erizaina eta hiru aldiz Espainiako Field Target tiro modalidadeko txapelduna; Olga Loroño, bardintasunerako teknikaria; eta Akaitze Kamiruaga bideo-lanaren koordinatzailea eta Labayru Fundazioaren Herri Ondare arloko arduraduna.
Jardunaldiaren helburua Zamudioko andrek bizitzako arlo askotan izan daben zereginaren garrantzia aldarrikatzea izan da, bai ondare sortzaile moduan, bai ondare horren transmisore moduan.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
