Kategoria: Etnografia
Joan dan abenduaren 28an, Areatzako Udaleko aretoan, herrian egin dan toponimia ikerketaren aurkezpena egin zan. Lan hori aurreko urtean hasi zan artxiboetako araketa bibliografikoa eginda. Aurten artxiboetatik lortutako toponimoen zerrendea herriko lekukoekin kontrastau da, ahozko grabazinoen bidez. Guztira hogeta hamar ordu batu dira, eta bederatzi lekukok hartu dabe parte. Toponimoen gainekoak ezeze, herriko ondareari buruzko informazino ugari eta aberatsa batu da. Besteak beste: artzain eta ikazginen bizimodua, baso-lanak, herriko bizimodua, balnearioa eta beraneanteak… (gehiago…)
Eskolako Gabon oporrak hartu aurreko egunak kultura-gaiei buruzko tailerrak egiteko egunak izan dira Begoñazpi ikastolan. Haur Hezkuntzatik hasita DBHra arte, maila guztietan egin doguz tailerrak egunotan, maila bakotxean gai bat landuta. Gabonak, lanbideak, ingurumena, kirolak, memoria… era guztietako gaiak erabili ditugu, eskolako programaren arabera aukeratuta. Adinaren arabera, gaia lantzeko metodologia be egokitu egiten da, alderdi ludikoa eta edukien transmisinoa biak lotuta.
Ikasturtean zehar hiru saio egiten dira maila guztietan, ikasketen osagarri.
Berrizko udalagaz batera urte asko daroagu beharren, ondarea batzen eta zabaltzen. Azken urteotan, ibilbideen ganeko bideoak egin ditugu, “Arrierreka, uraren indarra” eta “Baserria, gure zuztarrak ezagutzen”. Batean erreka inguruan sortutako garapena eta industria lantzen da (olak, errotak eta argi-indar makina) azaltzen dira, eta bestean baserriaren egitura eta esangurea. Bideo horreek sarean dagoz Labayruko youtube kanalean eta Berrizko udalaren webgunean.
Orain, bideo horreen osagarri, liburuxkak argitaratu ditugu, ibilaldi hori egin gura izan ezkero, zer ikusiko dan eta bidean zer topauko dan azalduaz. Horreek be, udalaren webgunean dagoz.
Agricultura en Vasconia izenburuagaz argitaratu barri da “Atlas Etnográfico de Vasconia” proiektuko azkenengo alea. Urten barri dala, Durangoko Azokan egon da salgai.
Lan ederra da, aurreko guztien moduan. Lurraldetik lurraldera nekazaritza-paisaia asko aldatzen da, eta horregaz batera lurrean lantzeko gaiak. Liburuan hainbat gai lantzen dira: lur motak; uztak; ereitea (zer, noiz, zelan) eta lantzea, batzea; bedarra; linoa; fruta-arbolak; olibondoa eta mahatsondoa; origoa, ardaua, txakolina eta sagardaoa egitea; tresnak eta erremintak; neurriak; esku-beharra eta indarra; gurdia; mekanizazinoa; salmenta eta jabetza; siniskerak eta erritoak. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
