Kategoria: Euskal Biblioteka
Euskaltzaindiak mendeurrena ospatzeko egin dauen programaren barruan, irailaren 12 eta 13an Donostian ‘Ingurune digitala eta euskara’ izeneko jardunaldiak eratu ditu. Espainiako Hizkuntza Akademiakaz batera, Euskal Herriko hainbat eragilek parte hartu dabe, Tabakalerako ekitaldian.
Labayruren izenean, Igone Etxebarriak azaldu dau ingurune digitalean Labayruk orain arte zer egin dauen, lorpenak, eta baita be etorkizunerako ze erronka daukazan.
Euskera irakasteko ikastaroen 50. urteurrena ospatzen dabilela, bai irakaskuntzan bai alboko beste arlo askotan asko aurreratu da, maminean zein bitartekoetan. Labayru Hiztegia, Herri ondareko katalogoa, Fonoteka, Euskal Bibliotekako katalogoa… sarean dagoz, corpus aldetik metatutako ondarea da. (gehiago…)
Maiatzaren 10ean alkartu zirean Euskodokeko kideak eta Sancho el Sabio, Lazkao eta Labayruko liburutegietako arduradunak. Lehenengo Antezanako eleizea ikusten joan ziran, Xabier Egañaren margoak ikusteko. Horren ostean, Legution alkarregaz bazkaldu eben.
Hiru liburutegion artean alkarlana aspaldi-aspalditik dator. Neurri baten Euskodok alkarteko kideek hirurentzat materiala jasotzen egiten daben lanak batzen ditu. Izan be, kartelak, folletoak, aldizkariak eta ganerako paper-euskarriko ale txikiak batzen lan handia egiten dabe.
Horrez ganera, Labayruko Euskal Bibliotekan astean-astean ibilten dira bertako fondoak osotuten eta ordenatzen laguntzen.
Balendin Zabalo bermeotarrak batutako liburutegia hartu barri dogu. Balendin 2017an hil zan 84 urte zituala. Orain, etxeko liburutegia hutsitu dabe eta hainbat eta hainbat liburu batu dira, erlijino-gaiei buruzkoak Seminarioko liburutegirako eta euskal gaietakoak Labayruko Euskal Bibliotekarako.
Gure liburutegira guztira 800 bat ale heldu dira, gai askotakoak: hizkuntza, gramatika, literatura, nazionalismoa, historia, biografiak… Hori material guztia sailkatu, eta liburutegian egon ez dana gure katalogora gehituko da. Edozein kasutan, material interesgarria da guztiz.
Balendin Zabalok, 1958an abadetu zanetik, hainbat lekutan bete dau bere zerbitzua: Laukariz, Mungia, Gamiz, Arrieta eta batez be Mundakan. Baina horrez ganera, erlijinoko irakasle emon ditu hainbat urte Bermeoko institutuan.
Labayru Fundazioko Euskal Bibliotekan egiten diran lanen artean, laguntzaile talde batek astero-astero aldizkari-bildumak osotzen, kartelak eskaneatzen, papel solteak ordenatzen eta abar egiten dauan lanaren barri emon dogu Bizkaia Irratiaren bidez alkarrizketa baten.
Behar handia egiten dabe, Juan Angel Gainzaren gidaritzapean batzen diran laguntzaileek. Gainzak Euskodok alkartea sortu eban orain dala urte batzuk, papelak batzen egiten dauen lana bideratzeko. Izan be, urteak daroaz Labayruko liburutegira, Lazkaoko beneditarrenera eta Gasteizko Sancho el Sabiokora hainbat eta hainbat dokumentu bideratzen.
Horregaz lotuta dago Labayruko liburutegian astelehenero egiten daben lana.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
