Kategoria: Hizkuntza
Ikasturte honetan beharginon prestakuntzarako hainbat saio egin ditugu. Azkenengoa, uztailekoa, “Hizkuntzak irakasten: joerak eta aukerak” izenburukoa izan da.
Labayru Fundazioaren jardueretako bat euskerea irakastea da, horretan daroaguz berrogeta hamar urtetik gora. Irakasteko moduak eta ikasleen preminak eten barik aldatzen doaz, eta guk horretara egokitu beharra daukagu.
Irakaslea Asier Astigarraga izan dogu, Labayru ondo be ondo ezagutzen dauena bertan hainbat urte eginda, eta gaur egun irakaskuntzan diharduetan. Labayruko laguntzaile dan aldetik, bere ekarpena dohaintza gisa egin dau.
(gehiago…)
Labayruko Udako Ikastaroak 52. edizinoa dau aurtengoa. Txiri-txiri aurrera doan egitasmoa da.
Aurten txanda bi egingo dira, azkenengo urteetan egin dan moduan. Boluetan eta Colon de Larreategin bananduta, sei gazte-talde dabilz oingoan euren mailak beteten.
Ikastaro trinkoak dira, aste bikoak, zapatu eta guzti. Egunean sei eskola-ordu egiten dabez astegunetan, eta lau zapatuetan.
(gehiago…)
Joan dan hiruhilekoan trebatze-eskolak emon doguz Gasteizen, Lehendakaritzako egoitzan. Guztira 45 ikasle ibili dira gure eskoletan, danak Lehendakaritzako beharginak, 3 laguneko taldetan banatuta, beti be kontuan hartuta ikasleen maila eta egiaztatutako hizkuntza-eskakizuna (B2, C1 eta C2).
(gehiago…)
Aurtengo Klasikoen Irakurketa Jarraituan Bernat Etxepareren Linguae Vasconum Primitiae liburua irakurri dabe gizarteko hainbat arlotako lagunek. Bertan izan dira Labayruko kideak be, gure eskoletako ikasle-irakasleak.
Izan be, Bilbozaharra euskaltegiak urteotan eratuten dauen irakurraldi hori, euskera ikasten dabilzan ikasleen omenez egiten da. Horregaitik, parte hartzaileetako asko ikasle-irakasleak dira.
Urtero idazle klasiko baten idazlan klasiko bat irakurten da, eta aurten Etxeparek idatzitako poema-liburua ekarri dabe ekitaldi honetara. Hamalaugarren edizinoa izanda, garai, lurralde eta euskera mota guztietako idazlanak plazaratu dabez. Bide batez, idazleok eta idazlanok gaurkotu egin dabez.
Labayruko ikasleak urtero parte hartu dabe jarduera horretan, eta aurten be han izan dira kide batzuk gure izentazinoa egiteko. Edizino berezia izan da, gagozan egoerara egokitua, saretik be jarraitu ahal izan dana.
Etxepareren lana euskeraz inprentaz emondako lehenengo liburua izan zan, eta bera jakitun zan horren garrantziaz. Orduko mugarria barriztau egin da Arriaga antzokian, euskera Bilboko plazara ateraz.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
