Kategoria: Hizkuntza

Aurten be Udako Ikastaroa emongo dogu

0
Argitaratze data: 2020-04-24 Kategoria: Barriak, Hizkuntza

Aurreko 50 urteetan bezala, aurten be, Labayru Fundazioak bere udako euskal ikastaroa antolatuko dau. Egoerearen ondorioz, hondino ezin dogu jakin eskolak aurrez aurre edo linean eskainiko ditugun, baina ikastaroa, edozein kasutan, emon egingo da.

Noiz:

  • bagilaren 15etik 27ra
  • bagilaren 29tik garagarrilaren 11ra

*datak apur bat aldatu leitekez

Ikastaroak:

  • Bizkaierazko alfabetatze-eskolak
  • Itzulpen-ikastaroak,
  • Titulu ofizialak (batuaz zein bizkaieraz) ateratekoak,
  • Euskerea hobetzekoak

 (gehiago…)

Itzulpen ikastaro barria online

0
Argitaratze data: 2020-04-08 Kategoria: Barriak, Hizkuntza

Hil honen amaieran, apirilaren 27an, itzulpengintza ikastaro bat jarriko dogu martxan, online: “Itzulpengintza ikastaroa (1. maila)”.

Ikastaro honetan, gaztelaniatik euskarara itzultzeko oinarri batzuk eskainiko ditugu; horretarako, idazketa zuzentasuna landuko dogu batez be, horixe dalako itzulpengintzaren oinarria. Gaztelaniazko testua xede hizkuntzan zuzen eta egoki idazten jakitea da helburua, bigarren hizkuntza horretan berezko testuak sortzea. (gehiago…)

Frai Juan Zumarragakoaren eskuidatzia Litterae Vasconicae aldizkarian

0
Argitaratze data: 2020-01-27 Kategoria: Barriak, Hizkuntza, Literatura

Litterae Vasconicae aldizkariaren 17. zenbakia argitaratu barri dogu. Ale honetan Frai Juan Zumarragakoaren euskerazko eskuizkribu baten barri dator. Izan be, Durangoko Klaratarren komentuko liburuen arteko baten, Frai Juanek eskuz idatzitako testu bat aurkitu dabe, lehenago be ezaguna zana dana dala. Testu horretan klaratarrek zina egiteko irakurten ebena agertzen da euskeraz, XVI. mendeko testua. Sebas Gartzia Trujillok testuingurua azaldu eta ostean, Adolfo Arejitak hizkuntzaren aldeko oharrak egin ditu. Aldizkariaren azalean Durangoko Lariz dorretxea agiri da, Frai Juanen amaren jaiotetxea. (gehiago…)

Mungiako baserriak mapa interaktiboan

0
Argitaratze data: 2019-12-20 Kategoria: Barriak, Etnografia, Hizkuntza

Mungiako toponimiaren barruan, baserriei erreparau deutsegu, herriko baserriak zerrendatu, euren ganeko dokumentazinoa bilatu eta sarera ekarri ditugu.

Baserrien ganeko informazinoa sutegietatik, polizia erroldatik, jabego-erregistrotik, Aldundiko artxiboan udalari buruz dagoan dokumentazinotik eta ganerako bibliografiatik batu dogu. Horrezaz ganera, herritarrei galdetu deutsegu ia ahoz zelan deitzen deutsien etxe bakotxari.

Informazino hori guztia batuta, baserri bakotxaren fitxa osotu dogu euskeraz eta gaztelaniaz, argazkiaz ganera.

Hori aurkezteko euskarria da barria, OrekaInteractive enpresak mapa interaktibora ekarri dituelako fitxa guztiok. Udalaren webgunean dago ikusgai. Sakatu hemen.

Labayru gaur

Bilatu

Saskia

Artxiboa

Kategoriak