Kategoria: Hizkuntza
Urtero lez, Labayru Fundazioak aurten be udako ikastaroetan txanda bi antolatu ditu: bata, oin, bagilaren akabuko hamabostaldian, eta bestea garagarrilaren 1. hamabostaldian. DUEIko lehenengo txanda martxan dago daborduko. Ikastaroa bagilaren 15ean hasi zan, eta 27an amaituko da. Astelehenetik barikura goiz eta arrasti ibiliko dira ikasleak eta zapatuetan be bai.
Covid 19a dala eta, pandemia zabaltzea ekiditeko prebentzio-neurriak hartu behar izan doguz eta eskolak egokitu. (gehiago…)
Bueltan da beste behin Botaba egitasmoa, aurreko hiru edizinoetako helburu beragaz baina guztiz erabarriturik.
Botaba Erronka esamoldeak gazteen artean zabaltzeko bideo-lehiaketa lez jaio zan orain dala hiru urte Instagramen. Bideo laburretan esamoldeen erabilera irudikatzeko eskatzen zan, eta zein baino zein lan original eta zelebreagoak jaso genduzan parte-hartzaileen aldetik.
Oraingoan, ostera, Euskal Esamoldeen Unibertsoa eratu gura dogu urte osoko ekimen jarraituan. Kalean eta lagunartean darabilguzan esapide kolokialen erabilera modu dibertigarri eta dinamikoan sustatu eta bultzatu gura dogu. Ligetako orduan, parranda-giroan, lagunari adarra joterakoan… adierazkortasunez jarduteko beharrezko baliabideak jolasaren bitartez ezagutarazo gura doguz, parte-hartzaileakazko interakzinoa sustatuz. Eduki didaktikoez gainera, egunean-egunean euskal esamoldeei lotutako erronkak proposatuko deutseguz, euren egunerokoan baliagarriak baizen erabilgarriak izan leitekezan esaldi eginak eskura daiezan. (gehiago…)
Aurten be, irailean, Labayrun EusTET ikastaroa emongo dogu: euskara-teknikari eta trebatzaileen prestakuntzarako ikastaroa. Matrikula uztailaren 30era arte da edo plazak amaitu arte egin ahal izango da.
Zer da EusTET?
Gure gizartean, lan handia dago euskerearen normalizazino arloan, alde batetik, herritarren artean euskerearen ezagutza eta euskeraz bizitzeko eskaerea gorantz doalako eta, bestetik, enpresa zein entitateak sentsibilizatuago dagozalako zerbitzua euskaraz emoteko abantailez.
EusTET ikastaroan euskera-teknikari zein trebatzaile lanetan ibilteko oinarrizko prestakuntzea jasoko dozu: Zer lege dago euskereari lotuta? Zer da euskera plan bat? Zer dirulaguntza dago euskerea sustatzeko? Eta euskerearen ziurtagiriak zeintzuk dira eta zelan eskura daitekez? Zer desberdintasun dago euskera-irakasle eta trebatzaile baten artean? Zelan antolatu trebakuntzea erakunde batean? Zer baliabide dago trebakuntzarako? (gehiago…)
Apirilaren 27an hasi zan “Itzulpengintza ikastaroa (1. maila)” online ikastaroa. Aurretiaz egindako online ikastaroa moldatu eta egokitu eta ostean, lehenengoz eskaini da ikastaro hau, eta, itxialdi honetan, oso harrera ona izan dau ikasleen artean. Bizkaiko, Gipuzkoako eta Arabako ikasleak ditugu; hala ere, ikastaroa urrunagotik egiten dabilen ikasle bat be badago, une honetan Hungarian dabil eta lanean. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
