Kategoria: Hizkuntza

Frai Juan Zumarragakoaren eskuidatzia Litterae Vasconicae aldizkarian

0
Argitaratze data: 2020-01-27 Kategoria: Barriak, Hizkuntza, Literatura

Litterae Vasconicae aldizkariaren 17. zenbakia argitaratu barri dogu. Ale honetan Frai Juan Zumarragakoaren euskerazko eskuizkribu baten barri dator. Izan be, Durangoko Klaratarren komentuko liburuen arteko baten, Frai Juanek eskuz idatzitako testu bat aurkitu dabe, lehenago be ezaguna zana dana dala. Testu horretan klaratarrek zina egiteko irakurten ebena agertzen da euskeraz, XVI. mendeko testua. Sebas Gartzia Trujillok testuingurua azaldu eta ostean, Adolfo Arejitak hizkuntzaren aldeko oharrak egin ditu. Aldizkariaren azalean Durangoko Lariz dorretxea agiri da, Frai Juanen amaren jaiotetxea. (gehiago…)

Mungiako baserriak mapa interaktiboan

0
Argitaratze data: 2019-12-20 Kategoria: Barriak, Etnografia, Hizkuntza

Mungiako toponimiaren barruan, baserriei erreparau deutsegu, herriko baserriak zerrendatu, euren ganeko dokumentazinoa bilatu eta sarera ekarri ditugu.

Baserrien ganeko informazinoa sutegietatik, polizia erroldatik, jabego-erregistrotik, Aldundiko artxiboan udalari buruz dagoan dokumentazinotik eta ganerako bibliografiatik batu dogu. Horrezaz ganera, herritarrei galdetu deutsegu ia ahoz zelan deitzen deutsien etxe bakotxari.

Informazino hori guztia batuta, baserri bakotxaren fitxa osotu dogu euskeraz eta gaztelaniaz, argazkiaz ganera.

Hori aurkezteko euskarria da barria, OrekaInteractive enpresak mapa interaktibora ekarri dituelako fitxa guztiok. Udalaren webgunean dago ikusgai. Sakatu hemen.

Durangoko Azokan eman ditu Botabak hirugarren edizioko sariak

0
Argitaratze data: 2019-12-11 Kategoria: Barriak, Ekitaldiak, Hizkuntza

Joan den abenduaren 6an, Durangoko Azokako areto nagusian egin du Labayru Fundazioak Botaba Euskal Esamoldeen Erronkaren hirugarren edizioko sari banaketa ekitaldia. Bertan izan dira, besteak beste, Miren Dobaran Eusko Jaurlaritzako Hizkuntza Politikako sailburuordea, Xabier Arauzo Bizkaiko Foru Aldundiko Euskara zuzendaria, Koldo Bilbao BBK Fundazioko ordezkaria, Adolfo Arejita Labayru Fundazioko zuzendaria, saridunak eta euskal esamoldeen erronka babestu duten enpresak.

Sopelara joan da aurten sari nagusia, baina Bilboko, Ermuko, Hondarribiko eta Iurretako lagun-taldeek ere jaso dituzte sariak. (gehiago…)

UZEIren Sinonimoen Hiztegitik konsulta zuzena Labayru Hiztegian

0
Argitaratze data: 2019-12-04 Kategoria: Barriak, Hizkuntza

UZEIk eta Labayru Fundazioak bat egin dabe lehenengoaren Sinonimoen Hiztegia eta bigarrenaren Labayru Hiztegia lotzeko. Izan be, Sinonimoen Hiztegia euskera hutsekoa da; Labayru Hiztegia, ostera, euskera-gaztelaniakoa. Aurrerantzean, Sinonimoen Hiztegian ‘ES’ lotura adierazten dan lekuan sakatu ezkero, Labayru Hiztegian esanahia konsultau ahal izango da. (gehiago…)

Labayru gaur

Bilatu

Saskia

Artxiboa

Kategoriak