Kategoria: Hizkuntza
Aurten Labayru Fundazioak 50. Udako Ikastaroa bete dau. Hori dala-ta, Bilboko Udalak, Euskerearen Nazinoarteko Egunaren inguruan egiten dauen ekitaldian, Labayru Fundazioa omendu dau, berrogeta hamar urtean euskerea zabaltzen, erakusten eta lantzen ekitearren.
Udako Ikastaroa Derion egiten bazan be, Labayru Fundazioa Bilbon dago errotuta sortu zanik eta gehiago. Bilbotik hedatu dau Bizkaia osora bere egitekoa, eta Bizkaitik Euskal Herrira.
Ekitaldia zorionak emoteko eta eskerrak esatekoa izan da, bai Udalak Labayruri, bai Labayruk Udalari, alkarlanean hainbeste urte egin eta gero. (gehiago…)
Joan dan azaroaren 27an batzartu Bilboko Udaleko Euskeraren Aholku Batzordea, agintaldi barriko lehenengo batzarra egin dabe. Ordezkarien artean, Labayru Fundazioaren izenean Jokin Gorozika Artezkaritzako presidentea partaide da.
Batzar horretan euskerearen erabilera normalizatzeko plana aurkeztu dabe. Helburu bikotxa jarri dabe etorkizunera begira: hizkuntza ofizial bietan zerbitzua emotea, bereizketarik egin barik; eta herritarren hizkuntza-eskubideak bermatzea. Euskerea zerbitzu-hizkuntza ezeze lan-hizkuntza be izateko helburua hartu dabe.
Azaroaren 26an Elorrioko toponimiaren gaineko berbaldia emon dau Asier Bidart Labayrukideak. Elorrioko Udalak bertako ondarea erdal hiztunei ezagutzera emoteko zikloa antolatu dau aurten, Bizkaiko Foru Aldundiaren Ondareari buruzko Europako Jardunaldien babespean. Guztira bost hitzaldi aurreikusi dabez eta Elorrioko baserriak, kurutzeak, kofradiak, toponimia eta lorategiak izango dira berbagai nagusiak.
Zikloaren hirugarren hitzaldia izan da eta bertan 2003-2006 urte bitartean Labayru Fundazioak, Elorrioko Udalaren eskariz, egindako ikerketaren eta gizarteratzearen barri emon da, bai eta bertako toponimiaren ezaugarri eta bereizgarriei buruzko informazinoa be. Berbaldian udalerriko berein errealidade geografiko bertako toponimiagaz buztartu da; uria eta auzoak, olak eta errotak, haizeolak, auzobasoak, kortak eta neberak, besteak beste.
Aurtengo zikloaren laugarren berbaldia abenduaren 3an izango da, Elorrioko lorategien gainekoa, eta zikloaren bosgarren eta azkena, abenduaren 17an, Elorrioko baserrien arkitekturaz.
Joan dan urriaren 28an, mahai-ingurua egin eben Deustuko Unibersidadean, Labayru Fundazioa gonbidatuetako bat zala.
Mahai-ingurua Euskal Hizkuntza eta Kulturako Graduko ikasleei egoan zuzenduta, “Urtenbide profesional ezohikoak” izenburuagaz. Itxura guztien arabera irakaskuntzan oin eta etorkizun hurbilean lana aurkitzeko aukera ziurra izanik be, beste urtenbide batzuk be izan daitekezala erakustea zan mahai-inguruaren helburua. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
