Kategoria: Hizkuntza
Euskaraldia laster dator, baina urte osoa doa hori prestetan. Labayrun be barruraino sartu gara, erakunde eragile moduan parte hartu dogu.
Oraingoan beharginen arteko Hamaikakoa osotu dogu gure argazkia egiteko. Badator Euskaraldia eta horretan ibiliko gara, beharlekuan eta bakotxa bere bizilekuan.
Asko gara hizkuntza-ohiturak astindu eta euskera gehiago erabili gura dogunok, oraingoan alkarregaz lotsak, aurreiritziak eta ohiturak aldatzeko aukera daukagu eta taldean errazagoa izango da.
Aurten be Begoñazpi Ikastolan Eleketan programa beteko dogu, 3 urteko umeen gelakoakaz hasi eta DBH2ko ikasleenganaino, maila guztietan hiruna tailer egingo ditugu ikasturtean zehar. Guztira 33 tailer, hamaika hiruhileko bakotxean, eta maila bakotxean ehun bat ikasle batez beste.
Eleketan programako tailerrak era guztietako gaiak lantzen dira euskal kulturea, lanbide zaharrak, Euskal Herriaren historia, euskal gastronomia…, beti be irakasleekaz adostuta eta ikasleen maila eta adinera egokituta, ordu eta erdiko saioetan
Hiruhileko honetan: Haur Hezkuntzan letxuga landatzen, betiko olgetak eta taloa egiten ikasi; Lehen Hezkuntzan Gabonetako tradizinoak, artzaintzaren eta burdinoletako ofizioak, herri kirolak, Euskal Herriko txoko eta ohiturak, ipuina asmau; eta DBHn gerraren memoria eta mendizaletasunari buruzkoak.
Programa honen helburua da euskal hizkuntza eta kultura modu ludiko baten ezagutzea zaletasuna eta enpatia eragiteko.
‘Andrak bizi-erakusle Galdakaon’ izenburutzat hartuta, mahai-ingurua eratu dogu Galdakaon, Udalak eskatuta. Jarduera hori aurtengo Ondarearen Europako Jardunaldien barruan sartu da.
Herriko jenteak partu hartu dau mahai-inguruan, arlo ezbardinetan dabilena, adin ezbardinetakoak, ibilbide ezbardina egindako personak: (gehiago…)
Labayruk Gaztea Irratia izango du beste behin ere bidelagun nagusi egitasmo honetan. Azaroaren 5etik aurrera eta lehiaketak dirauen bitartean, goizetako Di-da saioan egongo gara Julen Telleriaren lantaldearekin batera, astelehenero 08:30 inguruan, lehiaketaren nondik norakoen berri ematen. Botaba erronka Euskal Herri osoko gazteen artean zabaltzeko bide zuzen eta eraginkorra izango da Gaztea.
Sare sozialen bitartez euskal esamoldeen ezagutza eta erabilera sustatzeko helburua du lehiaketak. Hiztunon hizkuntza-ohituretan eragin nahi du, erregistro kolokialago batean jarduteko behar ditugun baliabideak eskainiz. Horregatik, maila informalean euskararen presentzia garatzeko eta euskararen normalizazioan bide berriak urratzeko beharrizanaz jabeturik, hainbat erakunde batu zaizkigu ekimenera. Hala ba, babesleen artean EAEko hiru aldundiak, hiru hiriburuetako udalak, BBK Fundazioa eta Eusko Jaurlaritza izango ditugu. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
