Kategoria: Hizkuntza
Sareak dira gaur egun gure barriak eta edukiak argitaratzeko bide bat. Hizkuntza, lexikografia eta herri ondareko gaiak agertzen ditugu astean-astean. “Ahozko euskera hobetzen” izeneko atalean, euskera hobeto erabilteko oharrak egiten ditu Adolfo Arejitak. Izan be, Bizkaia Irratiko “Lau haizetara” saioaren barruan, eguenetan tarte baten kolaboretan dau ahozko hizkuntzari buruzko oharrak eginez. Horreek gero sareetan argitaratzen ditugu.
Normalean harrera ona izaten dabe tarteok, baina horreetariko batek aparteko arrakasta euki dau, “Eskerrik” berbearen erabilerari jagokona. 132 bider partekatu da geure Facebook-eko sarreratik, kontuan hartu barik zenbat aldiz biderkatu dan. Interesa sortu dau antza. Hemen daukazue entzungai. Ahozko euskera hobetzen.
Beste eduki mota bat herri ondareari buruzkoa da. Dala herrietako ondarea, dala urteko jai seinaladuen ganekoa… Kasu honetan, Mungiako Eusebia Duoren bideo-txatal bat argitaratu dogu, kukuaren ganean berbaz, eta hori be hainbeste jenterengana heldu da, hainbat ikustaldi izan ditu eta partekatzeak be antzeko beste bideoak baino askoz gehiago. hemen dozue ikusgai. Eusebia Duo kukuari buruz.
Martiaren 30ean mahai-ingurua egin dogu Bilboko Rekalde aretoan. Akaitze Kamiruaga moderadore dala, hizlari egon dira Gaizka Aranguren, Ane Ortega, Agurtzane Intxaurraga eta Xabier Paya.
Atxakia Labayru Fundazioak 40 urte betetzea izan da. Hori dala-ta, Labayruk erabilten dituan ikergaiak kontuan hartuta, gaitzat jarri zan gaurko mundu globalean, gure kultura beste kulturen artean zelan agertu. Hau da, euskal hizkuntza eta kulturaren transmisinoa zelan egin, nortasun-emoile ete diran, zegaz identifiketan garan, eta abar. (gehiago…)
Aurten euskal kultura modu ludikoan zabaltzeko tallerrak lantzen gabiz Begoñazpi ikastolan. Programa zabala da, euskal kultura orokorrean hartuta. Bigarren hiruhilekoan barriro be hainbat gai landuko dira, mailaz maila umeen adinera eta curriculumera egokituta.
Sasoia halangoa dalako, maila batzutan Aratusteen ganeko edukiak landuko dira, bakotxaren ikuspegia ezbardina dala.
Baina osterantzekoak be erakutsiko dira: egurra lantzea, ogia eta gaztaia egitea, irratigintza… Gai oso interesgarriak danak, hizlari egoki-egokiakaz.
Bosgarren urtez eratu da Bilbon ‘Berbagunea’, Bilbo euskaldunari agiriko lekua emoteko. Aurrekoetan moduan Labayruko ikasle talde batek parte hartu dau Alondegiko ekitaldian. Jarduera horren helburua da euskaldunak alkartzea eta euskeraz jardutea hainbat orduz jarraian.
Euskaldun onak eta ikasten dabizenak, gazteak eta adinekoak, gizarte arlo guztietakoak alkartu dira aurten be Bilbo erdi-erdian. Taldeka-taldeka hainbat alkarrizketa egin dabez euskeraz, gai guztiei buruz. Izan be, euskereak bizitzako arlo guztiak adierazteko balio dau. Euskerea jakitetik erabiltera jauzi egiteko aukera ezin hobea.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
