Kategoria: Hizkuntza

Ahozko euskeraren alde Bizkaia Irratian

0
Argitaratze data: 2016-10-24 Kategoria: Barriak, Hizkuntza

Hil honetan hasi da, urriaren 20an, Adolfo Arejita astean behin Bizkaia Irratian euskera zuzena erabilteko estilo-oharrak egiten.

Euskera jatorra, zuzena, egokia erabilteko oharrak izango dira. Gure inguruan zabal-zabal dabilzan erabilera badaezpadakoak eta kalkoak alboratu eta euskaldunek erabili izan dabezan forma ohikoagoak zeintzuk diran jajiteko erabiliko dau Adolfo Arejitak “Lau haizetara” saioko tartea. Estilo oharrak izango dira, eta batez be ahozko hizkerara lotuak, ahozko erregistroa eta idatzizkoa ezbardinak dira eta. (gehiago…)

Euskerako eskolak Sodupeko Avellaneda ikastetxean

0
Argitaratze data: 2016-10-24 Kategoria: Barriak, Hizkuntza

Ikasturte barriagaz beste ikastetxe baten hasi gara euskerazko eskolak emoten, Sodupeko Avellaneda ikastetxean.

Eskolaz kanpoko ekintza moduan egin zan eskaintza, eta talde bat sortu da C1 maila ikasteko. Maila hori gaindituta, EGA zein HABEko 3. mailako azterketara aurkeztu daiteke.

Eskolak urrian hasi dira eta ekainera arte iraungo dabe. Astean egun bi dira, guztira 120 ordu.

Labayruko irakasle bat joaten da ikastetxera eta hantxe bertan egiten dabez ikasketak.

Taldean goi mailako ikasleak eta eskolako umeen gurasoak alkartu dira, eskaintza hartzaile-multzo biontzat egin zan eta.

Labayru Hiztegien app-a tabletetarako

0
Argitaratze data: 2016-10-04 Kategoria: Barriak, Hizkuntza

LabayruHiztegiaApp_boletina

Labayru Hiztegiak konsultetako modurik erosoenetakoa tabletaren edo mugikorraren bitartez da. Gehiago hondino, offline (internetara konektau behar izan barik) eta doan izan ezkero. Android eta IOS sistema bietarako egokituta dago, erraz eskuratzeko moduan.

Edukietan, euskera-gaztelania/gaztelania-euskera hiztegia eta Hiztegi Fraseologikoa eskaintzen dira. Sarrera bakotxak hainbat datu ditu: esangurak, adibideak, sinonimoak, bizkaiera/batua formak, gramatika kategoria, erabilera bereziak…

Tabletean edo mugikorrean behin deskargau ezkero, nahi danean erabilteko prest dago.

Ikusi Labayru Hiztegien aplikazinoa bideoan.

Jose Mari Argoitia zanaren familia Labayrun

0
Argitaratze data: 2016-10-04 Kategoria: Euskal Biblioteka, Hizkuntza, Literatura
San Martin familia Derion liburuzaingaz.

San Martin familiako kideak Derioko Euskal Bibliotekara bisitan etorri dira irailaren 9an. Jose Mari Argoitia zanaren senideek Labayru Fundaziora bideratu dabez haren ondasunetako batzuk, kultura-gaietako liburu, disko eta bideoak gehien baten. Helburua da ez daitezala galdu; horregaitik, Euskal Bibliotekari eretxi deutsie gordailu egokia, katea eten barik, beste batzuen eskura geratu daitezan.

Jose Mari Argoitia (Ondarroa 1958-Loiu 2016) kazetari moduan behar egin eban EITBn, batez be kultura eta musikako saioetan. Horrez ganera, oso ezaguna zan kulturako arloetan, kantari oso ezagunen kantuen sortzailea, kultur ekintzen eragile… Bere jakituria eta jakinmina neurri bakoak ziran, eta horren erakusle dira etxean zituan liburu, disko, bideo, aldizkari eta euskarri guztietako argitalpenak.

Ondorengoek horreek Labayru Fundazioaren esku jarri ditue, eta honek apurka-apurka bere katalogoan txertatuko ditu, gura dauenak konsultea eskura euki daian.

Labayru gaur

Bilatu

Saskia

Artxiboa

Kategoriak