Kategoria: Hizkuntza
Kili-Kili. Euskera pozgarri izeneko erakusketa bagilaren 26ra arte egongo da ikusgai Bilboko Euskal Museoan. Martian zabaldu zanetik, hainbeste bisitari izan ditu. Ikusi bideoa.
Erakusketan Kili-Kili mutiko euskaltzalearen barri emoten da zabal. San Antonen jaio eta handik Euskal Herri osora hedatu zan. Hainbeste umeri lagundu eutsien alfabetatzen lehenengo, eta euskalduntzen gero. Argitalpen asko egin izan ditu 50 urteotan: ariketak, irakurgaiak, kartelak, pegatinak…
Jose Antonio Retolaza eta Lander Gallastegi izan zituan egile, eta eurak be agirian dagoz erakusketan.
Euskerearen irakaskuntzaren historian kate-begi garrantzitsua dogu Kili-Kili.
Labayru Fundazioak Udako Euskal Ikastaroak iragarri ditu. Aurten be bagila-garagarrila bitartean hamabostaldiko ikastaro bi eskainiko ditu.
Alfabetatze eta euskalduntzeko ikastaroak ezeze, beste gai bereziago batzuk be eskaintzen dira; esaterako, itzulpenak EGA prestetakoa edo bizkaiera lantzekoa.
Ikastarook egin ostean ikasleek EGAko azterketa Labayrun bertan egiteko eukiko dabe.
Maiatzaren 27an aurkeztu da Ignacio Omaetxebarriaren (1909-1995) Euskara barrutik Estudios de lingüística vasca izeneko liburua Gernika-Lumoko Elai-Alai aretoan. Orain arte sakabanatuta egon diran artikuluen bilduma bat da, hizkuntzaren historia, gramatika, onomastika eta euskal kulturari buruzko lanak batzen dituana.
Ekitaldian, José Mª Gorroño Gernikako alkateak harrera-berbak egin ostean, Andrés Urrutia euskaltzainburuak egilearen ganeko jakingarri batzuk emon ebazan. Adolfo Arejita, Labayruko zuzendariak, liburuaren aurkezpenaren egilea dala, lanon ekarpena hartu eban berbagai. Amaitzeko, Paulo Agirrebaltzategi frantziskorrak artikuluok batu, sailkatu eta sarrera-azterketa egiteko prozesua azaldu eban.
Aurkezpena Euskaltzaindaren Osoko Bilkuraren atsedenaldian egin zan, aurkezpen hori atxakia hartuta Gernika-Lumoko udaleko Kulturetxean batzartu zan eta. Ekitaldian egilearen senideak eta lagunak egon ziran.
Basauri ezagutzeko bideo bi egin ditugu Udalak eskatuta. Ibilbide baten bitartez, auzoetatik paseoa egin gura dauenak, bidean ikusiko dituanen barri izango dau bideoan. Basauri asko aldatu da, goitik behera, XX. mendearen industrializazino gogorreko urteetan. Gero be, uholdeek batetik eta krisi ekonomikoak bestetik, aldaketa handiak ekarri deutsiez. Lehengo eta oraingo Basauri ezagutzeko modu polita da, bertakoentzat zein kanpokoentzat. Kaminotik pasaukeran ikusten diran etxe-torreak eta lantegietatik harago, zerikusi asko eta beste hainbeste jakingarri dagoz, guztiz ikusgarri eta interesgarriak.
Basauri: Ariz – Artunduaga – Lapatza -Ibarra
Basauri: San Migel – Finaga – Castillo.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
