Kategoria: Literatura
Laura Urubururen Katigatu ninduzun librea nintzena nobelea gaitzat hartuta, literatur saioa egingo da urtarrilaren 24an, arrastiko 6:30ean, Ondori Botxo kafe-jatetxean, Bilbon.
Egileagaz batera hizlari jardungo dabe Laura Mintegi irakasle eta idazleak eta Jabier Kalzakorta irakasle-ikertzaile eta euskaltzainak. Liburuko pasarteen irakurraldia be egingo da tarteka.
Nobelan, umetxu baten heriotzak amari bizitzan zehar eragiten deutsazan sentimentu-emozinoek eroango dabe irakurlea atzera eta aurrera liburuan zehar.
Markel Urrutiak azalean margoztutako olatuen gorabeherak ondo adierazten dau protagonistaren bizi-ames olatuen joan-etorria.
Katigatu ninduzun librea nintzena liburu indartsua da, irakurlea harrapatzekoa. Idazleagaz bat egin gura izan ezkero, parte hartu ekitaldian.
Idatz & Mintz aldizkariaren 65. zenbakia argitaratu barri dogu. Oraingoan be idazle ibilbide luzekoakaz batera datoz idazle hasibarriak.
Sorkuntzako lanetan, narrazino honeek dagoz: Patxi Zubizarretaren “Baserriak barre egiten duenean” eta Iratxe Ormatza Imatzen “Hurbiltasuna” izeneko idazlanak.
Olerkian beste honeek: Miren Agur Meaberen “Poema baten curriculuma”, Peru Amorrorturen “Hartza”, Galder Urzaaren “Beharrizana” eta Eneko Urizarren “Poemak”. (gehiago…)
Mungiako Udalak urtero eratzen dau Lauaxeta Olerki Lehiaketa, orain dala hamar urtetik hona, herriko poetaren gorazarre legez. Aurten, hamargarren urteurrena ospatzeko, aurreko urteetako olerki irabazleak liburu baten argitaratu ditue. Udalaren argitalpen hori egiten Labayru Fundazioak lagundu deutsie, eta Adolfo Arejita egon da aurkezpen ekitaldian, Ager Izagirre herriko alkateagaz batera.
Urte bakotxeko deialdian, Lauaxetaren olerki bat izan da gaia. Gai horren inguruan olerki bat sortu behar izan dabe lehiaketara etorri diran parte-hartzaileak. Halan osotu da liburua, hamar urtean irabazle bina, guztira hogei poema datoz liburuan. Egileak, ostera, gitxiago dira, batzuk errepikatu egiten diralako. Hona danen izenak: Atotz Goikoetxea, Elena Galzusta, Ibai Ayerza, Ugaitz Agirre, Imanol Sorondo, Ione Gorostarzu, Jabi Santa Cruz, Aitor Albistur, Gotzon Plaza, Antonio Casado eta Mikel Esteban.
Bai poema bakotxari jarritako irudiak bai azalekoa Enrique Morenterenak dira.
Liburua aurkezteaz ganera, aurtengo deialdiko irabazleei saria banatu deutsie ekitaldi berean, Bingen Zupiria Hizkuntza Politika eta Kulturako sailburua bertan dala.
Aurtengo Durangoko Azokan nobedade moduan Laura Urubururen nobela barria erakutsiko dau Labayru Fundazioak.
Amodio-kantu zahar baten kopla guztiz ezagun bat dau izenburutzat, Laura Uruburu Totorikaguena idazleak plazara dakarren elaberri barri honek: Katigatu ninduzun librea nintzena.
Labayru Fundazioak argitaratu dau, euskal narratibari eskainia dauen Urbegi sortan, bildumako hirugarren alea egiten dauela.
300 orrialde beteko elaberria da, zati nagusi bitan banatua, eta zati bakotzaren izenburutzat, euskal errefrau baten osagai bana dituela: Aurreak erakusten du / atzea zelan ibili. Narrazinoa zortzi kapitulutan atalkaturik dago, bakotxaren izenburutzat aste-egun jarraikoen izenak dituela: igandetik igandera.
Amodioa, elaberri honetan, ez da neska-mutil edo andra-gizonen artekoa, ama-semeen artekoa baino. Umetxo baten heriotzagaz hasten da istorioa, eta gertaera triste eta lazgarri horrek, amaren, Elba eleberriko protagonistaren bizitza erabat asaldarazten dau, eta bihotza eta emozinoen mundua astintzen deutsoz era bortitz baten. Noraezean ikusten dau bere burua herstura eta egonezinean; ahalmenik gabe modu galduan, zorigaitzezko zirrara eta hunkipenen ekatxean. (gehiago…)
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
