Kategoria: Literatura

Bitañoren liburuaren aurkezpena

0
Argitaratze data: 2018-11-15 Kategoria: Barriak, Literatura

Nikolas Alzola Gerediaga Bitañoren prosazko idatziakaz ondu dabe Mugarrapetik kontu kontari. Esku bete atal izeneko liburua lagun honeek: Antton Mari Aldekoa-Otalora, Xabier Boveda, Alberto Errazti eta Sebastian Gartzi Trujillok. Izurtzan aurkeztu da liburua azaroaren 9an, bertan direla egileak, Adolfo Arejita Labayruko zuzendaria, Lorea Muñoz Izurtzako alkatea, eta Martin Lasa La Salleko Anaia.

Liburua Labayru Fundazioak argitaratu dau Sutondoan izeneko bilduman Izurtzako Udalak, La Salle ordenak eta BBK Fundazioaren laguntasunagaz. (gehiago…)

Jabier Kalzakortaren hitzaldia Iruñean

0
Argitaratze data: 2018-11-14 Kategoria: Ekitaldiak, Literatura

Iruñeko Ateneoak antolaturik Jabier Kaltzakortak Kondestable jauregian, azaroaren 5ean, arratsaldeko zazpi eta erdietan, “Emakumea euskal baladetan” hitzaldia egin eban. Hizlariaren aurkezpena Ateneoko Josu Jimenez idazleak egin eban. Hitzaldia, neurri handi batean, Euskal baladak: azterketa eta edizio kritikoa I, II liburuen aurkezpena izan zan. HIzlariak euskal baladen ezaugarri nagusiak emon eta ostean, euskal baladetan agertzen dan emakumearen arketipo eta rol desbardinak azaldu eta aztertu ebazan.

Bizenta Mogel idazlea hartu dabe gogoan Markinan

0
Argitaratze data: 2018-10-30 Kategoria: Barriak, Literatura

Jabier Kaltzakortak “Bizenta Mogel ezagutzen” hitzaldi-sortan parte hartu dau Markinako udaletxean urriaren 27an, Ondarearen Europako Jardunaldien barruan.

Kalzakortaren hitzaldiaren izena “Bizentaren Ipui onac. Alegiak eta alegilariak” izan da, Bizenta Mogelen alegien gainean. (gehiago…)

Emakumeen rolak euskal baladetan aztertu dau Jabier Kalzakortak

0
Argitaratze data: 2018-10-18 Kategoria: Ekitaldiak, Literatura

Ondarearen Europakako Jardunaldien barruan, Labayru Fundazioak eratutako hitzaldia egin dau Jabier Kalzakortak urriaren 17an Derioko egoitzan. Hogei bat lagun batu dira hitzaldira.

Euskal baladetan emakumeen jokabide arketipikoenak agiriratu ditu hizlariak, testu hautu batzuk erabilita horretarako.

Ezagutzen dan baladarik zaharrena eta barriena konparauta hasi da, andrazkoen jokabideari begira bietako parekotasunak ekarri ditu gogora. Euskal Herri osoko gaiak, testuak eta aldaerak erabili ditu, ezaugarri nagusien aurkezpen orokorra egiteko.

Gai interesgarria, indartsua da guztiz, testu-zati dotoreak gorde dituena gure literatur tradizinoan.

Entzuleak gustura egon dira, eta hizlariaren jakintzaz gainera, azaltzeko argitasuna nabarmendu dabe.

Labayru gaur

Bilatu

Saskia

Artxiboa

Kategoriak