Kategoria: Literatura

Idatz & Mintz literatur aldizkariaren zenbaki barria, 63.a

0
Argitaratze data: 2018-01-12 Kategoria: Barriak, Literatura

Idatz & Mintz literatur aldizkariaren ale barria iragarri beharrean gara. Honezkero 63. zenbakira heldu da eta, aurrekoetan moduan, hainbat eratako idazlanak dakarz. Azaleko irudia Olga Secorena da, eta alea zabaltzeko, Miren Agur Meaberen kontakizuna dakar, “Karitatearen alabatxoa”. Horren ostean, Juanra Madariagarena, “Bigarrenak eta desolatio” izenekoa. Beste narrazino bi dagoz aldizkarian: Pello Zupiriaren “Amildegiaren ertzean” eta Iratxe Ormatza Imatzen “Aketxe”.

 (gehiago…)

Jabier Kalzakortagaz berbaz

0
Argitaratze data: 2018-01-12 Kategoria: Erreportaiak, Literatura

Boletin honetan iragarri genduan moduan, Jabier Kalzakortak Euskal Baladak-antologia izeneko liburua argitaratu barri dau. Hori dala-ta, Bizkaia Irratian alkarrizketa egin deutsie, eta Bilbao izeneko aldizkarian be bai. Dokumentu biok dakarguz hona, lanaren ganeko argigarri diralakoan.

Bilbao 2018ko urtarrila.

Entzun Bizkaia Irratiko alkarrizketa.

 

Jabier Kalzakortak baladen antologia argitaratu dau

0
Argitaratze data: 2017-12-20 Kategoria: Barriak, Literatura
Jose Ramón Blanco, Jabier Kalzakorta eta Josu Bijueska.

Jabier Kalzakortak, herri-literaturako adituak, baladen antologia bat argitaratu dau Euskal baladak / Baladas vascas izenburuagaz, Editores Muelle de Uribitarte argitaletxean. Antologia horretan, euskal balada hautu batzuk emoten ditu, gaztelerazko itzulpenagaz.

Aurkezpena abenduaren 19an egin dabe Cámara liburudendan, Bilbon. Egileagaz batera egon dira José Ramón Blanco editorea eta Josu Bijueska Deustuko Unibersidadeko irakaslea.

Baladak gure herri-literaturako genero berezia da. Poema narratibo honeetan gai historikoak, maitasunezkoak, heriotza bortitzekoak tratatzen dira. Gaur egunera arte heldu jakuzanak Jabier Kalzakortak batu ditu batez be, lehenago Antonio Zavala zanak egindako lanari jarraituz.

Pedro Mari Goikoetxea Durangon liburuak sinatzen

0
Argitaratze data: 2017-12-09 Kategoria: Barriak, Literatura

Labayruko estanean liburuak sinatzen egon da Pedro Mari Goikoetxea. Berak egindakoa da gure nobedadeetariko bat, Oscar Elgezabal, bizipenak eta pasadizuak, eta erostera hurreratu diranei liburua sinatzeko prest agertu da.

Liburuak Oscar Elgezabalen biografia kontatzen dau, bai txirrindulari moduan kirolean egindakoak, bai bizitzan zehar beste hainbat arlotan egindakoak.

Liburu ederra da, argazkiz ondo hornidua, edozeinek leiduteko atsegina. Eta Durangoko Azokara hilaren 7an joan diranak, egileak sinatuta eroateko aukerea euki dabe.

Labayru gaur

Bilatu

Saskia

Artxiboa

Kategoriak