Kategoria: Literatura

Durangoko Azokan egongo gara gure nobedadeak erakusten

0
Argitaratze data: 2017-12-05 Kategoria: Barriak, Etnografia, Hizkuntza, Literatura

Aurten be Durangoko Azokan egongo gara, lehenagoko argitalpenakaz batera, atera barriak be erakusten.

Aurten Azokarako argitaratutako liburuetan eskaintza ugaria daukagu:

  • Atlas Etnográfico de Vasconia programan Agricultura en Vasconia izeneko alea atera barri da. Nekazaritzak gure gizartean leku handia hartu dau jentearen bizitzan. Era askotako generoak landu izan dira, bilakaera handia egin da tresna eta bitartekoetan, eta bizimoduan itzelezko eragina euki dau eta dauka. Hori dana agirian dago lan honetan.
  • Oscar Elgezabal, bizipenak eta pasadizuak txirrindulari honen biografia da, Pedro Mari Goikoetxea kazetariak idatzia.
  • Arratiako dantza-koplak liburuan, Jabier Kalzakortak Arratian batutako kopladi batzuk batu ditu, batzuk ezagunak han-hor-hemen argitaratuak, eta beste batzuk ineditoak.
  • Gorka Merceroren Mundu-ikuskerak euskal narratiba garaikidean: Modernitatearen krisitik Postidentitatearen promesera liburua, literaturako ikerketa da, azken urteetako narratibari buruz.

Jabier Kalzakortaren hitzaldia Olentzerori buruz

0
Argitaratze data: 2017-12-05 Kategoria: Ekitaldiak, Literatura

Abenduaren 1ean hitzaldia egin dau Jabier Kalzakortak Foru Liburutegian Olentzerori buruz. ‘Literatur topaketak’ programaren barruan, Olentzero euskal kantutegian zelan agertzen dan azaldu dau Jabierrek.

Laster dira Gabonak eta herri guztietan urtengo dira taldeak kantuan Olentzerori opariak eskatzeko. Inguru batzutan ohitura hori nahiko barria da, baina tradizinoa aspaldikoagoa da. Euskal kantutegian horren adibide eta argibide asko dagoz, eta hori azaldu dau Jabier Kalzakortak hitzaldian.

‘Literatur topaketak’ programako hitzaldi guztiak liburu baten argitaratu dira, eta hor da Kalzakortak abenduan emondakoaren testu idatzia be.

Aita Santi Onaindia bekako emaitzak: liburua eta bekadun barriak

0
Argitaratze data: 2017-11-30 Kategoria: Barriak, Literatura
Adolfo Arejita, Luciano Martínez, Garazi Otxagabia, Lourdes Otaegi

Zornotzako udaletxean, azaroaren 30ean aurkeztu dira urte birik behin egiten dan Aita Santi Onaindia bekako emaitza barriak. (gehiago…)

Amaia Iturbiderentzat poesiako “Lauaxeta saria”

0
Argitaratze data: 2017-11-30 Kategoria: Barriak, Literatura
2017ko Lauaxeta Sariak

Bizkaiko Foru aldundiak Euskeraren Egunean emoten dituan Lauaxeta sarietan, aurten, poesiakoa Amaia Iturbideri emon deutso, Dorrearen eta penduluaren arteko ituna poesia-lana kontuan hartuta.

Amaiak ibilbide luzea daroa bai poesia bai prosa idazten, baita gure artean be; izan be, Idatz & Mintz aldizkarian behin eta barriz parte hartu izan dau, sorkuntza lanak argitaratzen.

Zorionak Amaia!

Labayru gaur

Bilatu

Saskia

Artxiboa

Kategoriak