Labayru Fundazioa euskal hizkuntza eta kultura jagon eta zabaltzeko helburuagaz sortu zan. Zeregin horretan hainbat ekarpen egin ditu, eta aurrerantzean be misino berari eutsi beharra ikusten dau.

Horretarako, ezinbestekoa dau gizarteko eragileen laguntasuna. Labayruk sorreratik Laguntzaile sare baten dauka oinarria, laguntzaile horreek osotzen dabe Batzarra eta hortik ateraten dira Artezkaritzarako kideak. Laguntzaileek 100 euroko kuota ordaintzen dabe urtean, eta urteko Batzar Nagusian, diru-kontuak eta Zuzendaritzak proposatutako egitasmoak onartzen ditue.

Parte hartze zuzena eta aktiboa daukie erakundeak eratzen dituan ekitaldi eta saioetan, eta bertako itzulpen-zerbitzua kontratetako eta argitalpenak erosteko aukera bereziak daukiez. Horrez ganera, azkenengo argitalpenen sortatxua bialtzen jake doan urtean behin.