Labayru Gaur
Urriaren 4an Segurtasun Sailaren Erandioko egoitzan, Euskaraldia ekimenaren aurkezpenean parte hartu genduan. Lander Solozabal, Ziortza Sanz eta Ziortza Egurenek Euskaraldiaren nondik norakoak azaldu eutsezan han batutako entzuleei, guztira 120 baino gehiago
Aurkezpenean hainbat gai azaldu ziran: Euskaraldia zer dan, zein dan helburua, noiz izango dan, zer dan Hamaikakoa, Ahobizi/Belarriprest rolak zer diran, zelan emon izena Euskaraldian…
Saioa ederto joan zan, hartzaileak poz-pozik eta gogotsu, eta aurkezpenaren ostean Segurtasun Sailaren eta Ertzaintzaren Hamaikakoa aurkeztu eben kanpokaldean.
Joan dan irailaren 21ean ‘Baserritik mundura’ izeneko jardunaldia egin dabe Sarrikoko unibersidadean, Hegoa institutuak eta EHNE sindikatuak eratzen daben ‘Elikadura-burujabetza eta agroekologia. Baserritik mundura: gure elikaduraren etorkizuna jokoan’ ikastaroaren bigarren edizinoaren barruan. Helburua da hainbat gairen inguruan eztabaidatzea, horretan ibilitakoen esperientzietan oinarrituta. (gehiago…)
Aurten be Bizkaiko Foru Aldundiak Ondarearen Europako Jardunaldiak eratu ditu, urrirako programa zabala antolatuta. Aurtengo gaia “Ondarea, emakumeen emaria” jarri dabe, ondarearen transmisinoan eta ondarea jagoten andrazkoen balioa goratuteko helburuagaz. (gehiago…)
Azaroaren 23an hasi eta abenduaren 3ra bitartean egingo da Euskaraldia, eta prestakuntza gura edo behar dabenentzako eskaintza dauka Labayru Fundazioak. Herri zein erakunderen batek Euskaraldirako lanketa sakonagoa egin gura dabenentzako tailerrak emongo dauz Labayruk. Ikusi programa hemen.
Euskal Herri osoko 300 herrik eta 75 erakundek baino gehiagok alkarlanean antolatuko daben ariketa da Euskaraldia. Eta oinarria hauxe izango da: 11 egun horreetan euskera gehiago erabiltea. Horretarako, herritarrek bi rol hartuko dabez: belarriprestak izango dira batzuk, eta ahobiziak beste batzuk.
Izena emoteko epea zabalik dago, eta Labayruk, Euskaraldiaren erakunde sustatzailea dan heinean, 11 egun horreetan Euskaraldian parte hartzera animatu gura dauz herritar, talde zein erakundeak. Horreei bakarrik ez, Labayruko bazkide, ikasle, langile eta lagunei be euren rola aukeratzeko eta Euskaraldian parte hartzeko eskatu gura deutsie.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
