Labayru Gaur
Gaur, otsailak 27, Ander Manterola euki dogu Derion. Bere jakituria handia kontuan hartuta, ondareko egitasmo baterako laguntasuna eskatu geuntsan, errituak, siniskerak eta ohiturak direla-ta. Horretarako etorri da Deriora, eta beti euki dauen buru argitasunagaz hainbat argibide emon deuskuz. (gehiago…)
Juan Mari Uriarte Goirizelaia gotzaina, Fruizen jaioa, gure artetik joan barri dogu, 90 urteko bizi oparo eta emoitsua eskaini ondoren, kristau alkartean eta euskal gizartean sigilu sakon eta ereduzkoa itxita.
Juan Mari gotzain izendatua izan ostekoak dira gaur euskal gizartean eta zabalagoan haren izenari hotsa eta ospea ekarri deutsien ekintzak eta ibilbidea. Indarkeriak jota egoan gizarte zatitu baten, bakegintzaren alde egin izan dituan bost ahaleginak. Hori geratuko da nagusi historiarako, gure gotzain onaren biografian.
Baina guri, Labayru Fundazinoagaz izan dauen lotureaz eta ibilbideaz zeozer gomutara ekartea jagoku bere heriotz-gomuta honetan. Gainetikoaz nork zer esan ez da falta, herri eta erbestean. (gehiago…)
Joan dan otsailaren 16an Maruri-Jatabeko baserriak izeneko lana aurkeztu dogu herriko kulturetxean. Aretoa bete bete egin da, herritarren interesaren erakusgarri.
Aurkezpenean Erlantz Urresti alkateak, Isaak Amezaga Bizkaiko Foru Aldundiko Euskera zuzendariak, Igone Etxebarria Labayruko zuzendariak eta Ziortza Artabe Labayruko teknikariak parte hartu dabe. Horrez ganera, Taket bertso eskolako bertsolariek jantzi dabe ekitaldia, Erraturie txalaparta-taldekoakaz batera. Ekitaldia amaitzeko talo-jana eskaini jake bertaratutako guztiei. (gehiago…)
Gure komunikazino-estrategiaren barruan, sareak oso garrantzitsuak dira. Orain arte Facebook, X, Instagram eta Youtuben egon bagara, aurtengo urte hasieratik LinkedIn sarean be sartu gara.
Aurrerantzean hor be emongo dogu gure jardueren barri aldian-aldian, beste erabiltzaile batzuengana be heldu ahal izateko.
Animatu eta jarraitu Labayru LinkedInen!
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
