Labayru Gaur
Aitziber Argiarrok, Labayru Fundazioko teknikariak, Euskaraldiaren barri emon dau Segurtasun Saileko Erandioko egoitzan azaroaren 10ean. Aurkezpen berean, Izaskun Urien Azpitartek, Giza Baliabideen zuzendariak, emon ditu bertakoentzako Euskaraldiaren ganeko barri batzuk.
Aitziberren aurkezpenean, Euskaraldia zer dan, Ahobizi eta Belarriprest izatea zer dan, aurreko edizinoko datuak, aurtengo barrikuntzak zeintzuk diran, ariguneak zer diran eta abar azaldu zituan.
Euskaraldia, azaroaren 20tik abenduaren 4ra egingo da Euskal Herri osoko herri, enpresa eta administrazioetan. Segurtasun Sailean be izena emoteko aukera dago eta ariguneetan antolatzeko.
Atzo, azaroaren 12an, Gurutziren urtegunean, egin eben ekitaldia Gurutzi Arregi Durangoko adopziozko alaba izentetako. Alde batetik udalbatzak onartzeko ekitaldia egin eban udaletxean, eta bestetik, San Agustin gunean, omenaldi ekitaldia.
Han egon ziran hango eta hemengo hainbat konbidau, tartean zirala Ander Manterola, Jokin Gorozika, Miguel Zugaza, José Julián Baquedano, Gaspar Martínez, Nerea Mujika… Gurutziren nebak, lobak, lagunak, senideak eta Durangoko hainbat alkarte eta erakundetako ordezkariak.
(gehiago…)
2020-2021 ikasturtean Mondragon Unibertsitateak Humanitate Digital Globalen gradu barria jarri dau martxan Bilbon. Gradu horretako lehenengo kurtsoan, ikasleek euren ingurune hurrekoena aztertu beharko dabe: Bilbo. Horregaitik, orain arte egindako beste ikerketa batzuen esperientzia ezagutu dagien, goiz osoko jardunaldia antolatu eben azaroaren 5ean euren egoitzan.
Jardunaldi horretan Labayru Fundazioaren izenean Akaitze Kamiruagak Euskal Herriko Atlas Etnografikoaren nondik norakoak azaldu eutsezan, eta gaur egun Fundazioak Herri Ondarea ikertzeko eta gizarteratzeko egiten dituan egitasmoen barri emon eutsen.
(gehiago…)
Busturian hazten eta ikasten izeneko bideoa aurkeztu genduan joan dan barikuan, urriaren 30ean, Altamirako Kultur Etxean.
Bertan egon ziran udalerriko alkatea Aitor Aretxaga, eta Idoia Etxebarria eta Itziar Zabala zinegotziak; Labayru Fundazioaren izenean Akaitze Kamiruaga; eta bideoan parte hartu daben lekuko ugari, familiartekoak eta herritarrrak, guztien artean aretoak eukan aforoa bete arte.
(gehiago…)Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
