Labayru Gaur

Udako Ikastaroaren 50. urteurrena ospatzen

0
Argitaratze data: 2019-06-17 Kategoria: Barriak, Ekitaldiak

Zapatuan, ekainaren 15ean, hainbat ikastarokide eta Labayrukide alkartu ginan Derion, Udako Ikastaroaren 50. urteurrena ospatzeko. Urte asko dira eta belaunaldi ezbardinak igaro dira bertatik, horregaitik hainbat lagun batu ziran sasoi ezbardinetakoak. Lagunarte gozoan Bizkai osoko ordezkaritza, eskualde guztietako jentea alkartu zan, oroitzapenak konpartitzen eta kontu barriak esaten. (gehiago…)

UZEIko arduradunak bisitan

0
Argitaratze data: 2019-06-13 Kategoria: Barriak, Hizkuntza

Derioko egoitzan UZEIko arduradunen bisita hartu dogu ekainaren 12an. Imanol Urbieta eta Miriam Urkia etorri jakuz, alkarren barri hobea izateko. Labayrutik Igone Etxebarria eta Gorka Insunza egon dira eurakaz.

Egoitza ikusteaz ganera, batzuk eta besteek eskuartean darabilezan egitasmoen ganean jardun dabe. Izan be, biek lantzen dabez lexikografiako arloak, eta teknologiako bitartekoetan be premina batzuk bardintsuak daukiez.

Otto Pette irakurten Arriagan

0
Argitaratze data: 2019-06-13 Kategoria: Barriak, Literatura

Aurten be Arriagako irakurraldian parte hartu dogu. Euskera ikasten dabilzan ikasleen omenez egiten dan ekitaldi honetan, aurten Andu Lertxundiren Otto Pette nobela izan da irakurgaia. Irakurraldi berezia da, jente askoren artean egiten dalako.

Egun osoan zehar, kirol, kultura, gizarte arlo guztietako personak igaro dira Arriaga antzokitik ekainaren 6an Lertxundiren nobelea irakurten. Batak besteari segida emon, atal baten ostean beste bat, halan joan da eguna.

Honezkero hainbat idazleren idazlanak irakurri dira honetara, irakurraldiagaz batera egilearen eta obraren barriak zabalduz. Gure ikasleak be han izan dira.

EGArik ez aurrerantzean, haren ordez C1

0
Argitaratze data: 2019-06-13 Kategoria: Barriak, Hizkuntza

Labayru Fundazioa EGAko azterketak egiteko Zentro Homologatua da. Hemendik aurrera EGArik gehiago ez da egingo, HABEk antolatzen dauan C1 azterketak hartuko dau haren tokia.

Labayru Fundazioak jarraituko dau C1 azterketa horretarako zentro homologatua izaten, eta azterketa horretara aurkezteko baldintzak be ez dira aldatuko. Orain arteko moduan, urtean deialdi bi egongo dira.

Informazino gehiago gura izan ezkero, jarri harremanetan gugaz.

Labayru gaur

Bilatu

Saskia

Artxiboa

Kategoriak