Labayru Gaur

Jabier Kaltzakorta eta Maddi Oihenart Markinan

0
Argitaratze data: 2019-06-13 Kategoria: Barriak, Literatura

Jabier Kaltzakortak euskal baladak zer diran erakusteko ekitaldia egin dabe Markinako udaletxean maiatzaren 10ean. Izan be, Udalak haren liburu bikotxa argitaratzen lagundu eban, eta orain herrian horren barri emoteko aukerea euki dabe.

Jabierrek Maddi Oihenart kantaria euki dau lagun, berak argibideak emon eta Mayik baladok kantuan emoteko.

Areto bete lagun batu dira, giro ederrean, gozatzen. Izan be, balada asko eta asko herri-kantu modura ezagunak ditugu, eta horri Jabierren jakituria gehitu ezkero, kantuok beste era batera jasoteko bidea emoten da.

Euskara-teknikarirako ikastaroan izena emoteko aldia

0
Argitaratze data: 2019-05-29 Kategoria: Barriak, Hizkuntza

Irakaskuntzako eskaintzaren barruan, Labayruk ikastaro berezi bat egiten dau urtero irailean: euskara-teknikari izateko prestakuntza saioa.

Aurten be, irakasle adituek prestautako programa beteko da, halango zereginetarako interesa daukenek lanbide horretarako prestatzeko. Udaletan, enpresetan, trebatzaile edo teknikari jarduteko lanak bere baldintzak ditu: alderdi administratiboa, hizkuntzaren erabilera, euskara-planen indarraldia eta lan-ildoak… Era horretako gaiak landuko dira ikastaroan.

Horrezaz ganera, ikastaroa gainditzen dabenak lan-boltsan sartzen dira, eta lan-eskariren bat dagoanean ikasle horreek dira lehenengo hautagaiak.

Gogoratu matrikula orain egin behar dala, uztailaren amaierara bitartean, oporren aurretik, ikastaroa irailean egingo bada be.

Euskara-teknikari ikastaroko informazinoa

Eskaintza zabala Udako ikastaroetan

0
Argitaratze data: 2019-05-17 Kategoria: Barriak, Hizkuntza

Uda hasieran, ikasturtea amaitu eta jarraian, euskera ikasteko eskaintza zabala dakar Labayru Fundazioak aurten be. Alde batetik, euskera ikasteko mailak, eta bestetik ikastaro bereziagoak: EGA, itzulpengintza, bizkaiera…

Hamabostaldi bitan egingo dira ikastaroak: ekainean 17tik 29ra bitartean, eta uztailean 1 eta 13 bitartean.

Matrikula egiteko epea zabalik dago. Argibideak hemen.

Jabier Kaltzakorta eta Peru Abarka

0
Argitaratze data: 2019-05-14 Kategoria: Erreportaiak, Literatura

Onda Vasca irrati-kateak lehiaketa bat egin dau, pista batzuk emonda ‘Peru Abarka’ idazlana asmatzeko. Emaitzaren barri azaltzeko, Jabier Kaltzakorta aditua alkarrizketatu dabe. Jabierrek bai Peru Abarkaz bai Juan Antonio Mogelez jakingarri interesgarriak azaldu ditu.

Labayru gaur

Bilatu

Saskia

Artxiboa

Kategoriak