Herri ondarea

• Bideoak ikusteko: Labayruren YouTube kanala
• Informazio gehiago: herriondarea.eus
• Etnografia bloga: labayru.eus/etnografia-atalak
• Euskal Herriko Atlas Etnografikoa: atlasetnografico.labayru.eus

Bide luzea eginda daukagu herri ondarearen bilketan. Hirurogeta hamarreko hamarkadan hasita informazino ugari eta aberatsa batu izan dogu Bizkaia osoan. Azkenengo urteetan batez be bizimodu tradizionalari buruzko herri jakituria irudiz jaso, landu, eta belaunaldi gazteei zabaltzen dihardugu. Honezkero corpus handia agirian dago herriondarea.eus webgunean.

Lehenagotik daukagun ahozko artxiboa maminduaz gainera, ondarearen bilketa sistematikoa egiten gabilz. Lekukoengandik informazinoa jaso, sailkatu, aztertu eta barriro gizarteratzeko bidea osorik egiten dogu.

Teknologiak emoten dituan baliabideak erabili, gizarteratzeko bitartekoak prestau eta eskabidearen araberako materialak argitaratzen ditugu: unidade didaktikoak, lan dibulgatiboak, herrietako monografia laburrak, multimedia produktuak, ibilbide toponimikoak…

Gure gizarteak aldakuntza itzelak ezagutu eta bizi ditu azken aldi honetan. Horrexegaitik inozkorik beharrezkoen da era honetako ikerketak egitea eta ondarea modu egoki eta sistematizatuan jasotzea. Horixe izango da lehena eta geroa buztartzeko bidea eta aurrerantzean transmisinoaren kateari eten barik eusteko modua.