Tag: Adolfo Arejita

Adolfo Arejita Omaetxebarriaren liburua aurkezten

0
Argitaratze data: 2016-05-31 Kategoria: Barriak, Hizkuntza
Adolfo Arejita, Jose Mª Gorroño, Andres Urrutia, Paulo Agirrebaltzategi.

Maiatzaren 27an aurkeztu da Ignacio Omaetxebarriaren (1909-1995) Euskara barrutik Estudios de lingüística vasca izeneko liburua Gernika-Lumoko Elai-Alai aretoan. Orain arte sakabanatuta egon diran artikuluen bilduma bat da, hizkuntzaren historia, gramatika, onomastika eta euskal kulturari buruzko lanak batzen dituana.

Ekitaldian, José Mª Gorroño Gernikako alkateak harrera-berbak egin ostean, Andrés Urrutia euskaltzainburuak egilearen ganeko jakingarri batzuk emon ebazan. Adolfo Arejita, Labayruko zuzendariak, liburuaren aurkezpenaren egilea  dala, lanon ekarpena hartu eban berbagai. Amaitzeko, Paulo Agirrebaltzategi frantziskorrak artikuluok batu, sailkatu eta sarrera-azterketa egiteko prozesua azaldu eban.

Aurkezpena Euskaltzaindaren Osoko Bilkuraren atsedenaldian egin zan, aurkezpen hori atxakia hartuta Gernika-Lumoko udaleko Kulturetxean batzartu zan eta. Ekitaldian egilearen senideak eta lagunak egon ziran.

Alberto Onaindia gogoan

0
Argitaratze data: 2016-05-26 Kategoria: Ekitaldiak, Euskal Biblioteka
Ruper Ormaza, Koldo Ordozgoiti, Iñaki Goiogana, Adolfo Arejita.

Alberto Onaindia zana gogoan hartu dabe Bidebarrietako liburutegian mahai-inguru baten maiatzaren 24an, Unesco Etxeak eratuta aurrendari nazinoartekoenak ezagun bihurtu guran. Ruper Ormaza moderadore, eta Adolfo Arejita, Iñaki Goiogana eta Koldo Ordozgoiti hizlari dirala, haren biografia, ekarpen historikoa eta artxiboa gai hartu eta hainbat jakingarri garandu dabez: bizitzako ibilaldiak, abade betekizunek nora eroan eben, Agirre lehendakariaren aholkulari zala egindakoak, nazinoartean euki ebazan gorengo mailako hartu-emonak, irrati-gizon aurreratua…

Hiru hizlariok jakitun-jakitunak dira gai horretan eta guztiz interesgarria izan zan saioa. Koldo Ordozgoitik, gainera, irrati-tarteak entzuteko ekarri zituan. Alberto Onaindiaren ahotsa zuzenean entzutea zirraragarria izan zan. (gehiago…)

Eusko Jaurlaritza, Bizkaiko Foru Aldundia eta Labayru Fundazioaren arteko lan-hitzarmena sinatu dogu

0
Argitaratze data: 2016-05-23 Kategoria: Barriak, Ekitaldiak
Lorea Bilbao, Patxi Baztarrika, Adolfo Arejita.

Labayru Fundazioak lau urterako hitzarmen-markoa sinatu dau maiatzaren 23an Eusko Jaurlaritzako Hizkuntza Politikarako Sailburuordetzagaz eta Bizkaiko Foru Aldundiko Kultura Sailagaz. Hitzarmen horren arabera, urtero-urtero erakundeek diru bat jarriko dabe lan-programa bat beteteko. Lan-programa hori euskerearen corpusa jaso, gorde, ikertu eta zabaltzeagaz lotuta dago, batez be lexikografiara bideratuta.

Aurkezpenean hizlari guztiek goratu dabe herri-erakundeen arteko eta erakunde publiko-pribatuen arteko alkarlana. Alkarlan zintzoa, aspalditik datorrena eta emaitza oparoak ekarri dituena aurreko urteetan. (gehiago…)

Labayru gaur

Bilatu

Saskia

Artxiboa

Kategoriak