Tag: herri ondarea
Zorioneko Covid-19ak eragindako geldialdian hiru hilabetez etxetik telelanari ekin eta gero, Ondare arloan indarbarrituta gatoz, eskuartean daukaguzan hainbat egitasmogaz.
Bilboko Udalagaz urtero egiten dogun hitzarmenari esker, aurten Erriberako merkatuaren historia laburra eta goizean goizerik zapaturo hara doazen azkenengo bendejeren ganeko bideoa eta liburuxka lantzen gagoz. Horretarako, 71 urtean hutsik egin barik plazara doan lekukoagaz egon ginan atzo. (gehiago…)
Azaroaren 30ean aurkeztu dogu Arratzun, Udalaren enkarguz egin dogun bideoa. 15 minutuko bideoa da, Arratzun zehar ibilaldi bat eginez, herria erakusten dauena. Bertan partu hartu dabe Izaskun Urkiagak Udalaren izenean, eta Igone Etxebarriak Labayrurenean. Horrez ganera, herriko jentea be batu da.
Ibilbide polita da, gura dauenak egiteko modukoa, eta horrek atxakia emoten deusku Arratzuko bizimoduaz, herriko ohiturez, herri-kulturaz edukiak zabaltzeko. Holan, ibilbidea egitera doanak, beste ikuspegi bat eta informazino gehiago eukiko dau ikusten dituan lekuei buruz. (gehiago…)
Ondarearen Europako Jardunaldien harira, Ondarea plazara! lelopean, aurten be ikusentzunekoa landu dogu Busturiko Udalak eskatuta: Busturian lehengo amesak orain loran.
Bideoa joan dan urriaren 25ean aurkeztu zan Altamirako Kultur Etxean. Izan be, Altamirako Kultur Etxea eta Axpeko Gizarte-etxea atxakiatzat hartuta, XX. mendearen hasieratik eta gaur egunera bitartean, auzo bietan, kultur talde desbardinek izandako bilakaerea jorratu da.
Herri txikia izan arren, kultur talde eta kultur ekintzen aldetik, herri aberatsa eta eragilea izan da Busturia: antzerkia, dantzak, musika, kirola, jaien antolaketa… Umeak, gazteak eta edadekoak alkar hartuta, beti be, batzuen akulari lanari esker.
Aurkezpenera batu ziran egitasmoan parte hartu daben lekukoetako batzuk eta ostantzeko herritarrak. Bai batzuk eta bai besteek asko disfrutau eben aspaldiko kontuak gogoratzean.
Udalaren izenean Idoia Etxebarria eta Naiara Ruiz zinegotziak egon ziran eta Labayru Fundazioarenean Adolfo Arejita eta Akaitze Kamiruaga.
Aurten be ikasturtearen hasieragaz, Akaitze Kamiruagak Leioako Irakasle Eskolan aurkezpena egin dau herri ondareari buruz. Berrehun ikasletik gora egon dira hitzaldian. Izan be, eskolaren bitartez herri-ondarearen transmisinoa egitea ezinbestekoa da.
Horretarako, Magisterioko ikasleek eurek jakin behar dabe zer dan ondarea, ondare horren barri non hartu, umeei transmititzeko ze baliabide dagozan eta, zertan esanik ez, eurek transmisino horretan ze garrantzia dauken.
Labayrun orain arte arlo honetan egindako lanak, materialak eta bitartekoak eskaini jakezan, ibilbide horretan kontuan hartzeko.
Ikasleen aldetik interesa agertu zan, gaia barri-barria egin jaken eta.
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
