Tag: herri ondarea

Gatikako baserriak-Caseríos de Gatika liburuxkaren aurkezpena

0
Argitaratze data: 2019-01-31 Kategoria: Barriak, Etnografia

Urtarrilaren 29an, Gatikako Gaztetxokoan aurkeztu zan Gatikako baserriak izeneko liburuxkea. Hantxe izan ziran Leixuri Arrizabalaga alkate-andrea eta Nekane Garmendia zinegotzia; eta Labayru Fundazioaren izenean, Adolfo Arejita zuzendaria, eta Akaitze Kamiruaga Herri Ondare arloko arduraduna.

Liburu hau Gatikako aldea-etxeen katalogoa da. Bertan 1850 baino lehenago eraikitako 106 baserri agertzen dira. Testuak euskeraz eta gazteleraz dagoz, eta baserri bakotxak bere argazkia dauka. Lana egiteko, lehenengo eta behin artxiboen eta dokumentazinoaren hustuketea egin da. Horretarako Bizkaiko Elizaren Histori Artxiboa, Bizkaiko XVIII. mendeko Sutegien Erroldak eta Foru Agiritegi Historikoan gordeten diran hainbat dokumentu aztertu dira. (gehiago…)

Arratzun Herri ondarearen aurkezpena

0
Argitaratze data: 2018-12-13 Kategoria: Ekitaldiak, Etnografia, Hizkuntza

Abenduan ospatzen dan Euskerearen Egunaren atxakian, Arratzun herriko jenteari batutako lekukotasunakaz osotutako bideoa aurkeztu dogu.

Hainbat herritarri grabazinoak egin deutseguz urtean zehar, herriko bizimodua lehen eta orain zein dan jakiteko eta atzetik datozen gazteek be jakin dagien.

Herriko andra eta gizonak, auzo batekoak eta bestekoak, baserrikoak, errotakoak, tabernakoak… bakotxak bere bizimoduko esperientziaren barri emonaz, herriko bizimoduari buruz gehiago jakiteko modua daukagu. Honezkero galduta dagozan lanbideak eta ohiturak, etxekoen arteko hartu-emonak, hizkuntzaren erabilera… hainbat gai erabili ditugu. Bideoan esandako horren guztiaren laburpena emon dogu.

Mahai-ingurua Galdakaon ‘Emakumeak eta ondarea’ gaiari buruz

0
Argitaratze data: 2018-11-07 Kategoria: Ekitaldiak, Etnografia, Hizkuntza
Dorleta Alberdi, Aitor Ibarrondo, Ainhoa Alvarez, Miren Hernando, Kepa Ajuria.

‘Andrak bizi-erakusle Galdakaon’ izenburutzat hartuta, mahai-ingurua eratu dogu Galdakaon, Udalak eskatuta. Jarduera hori aurtengo Ondarearen Europako Jardunaldien barruan sartu da.

Herriko jenteak partu hartu dau mahai-inguruan, arlo ezbardinetan dabilena, adin ezbardinetakoak, ibilbide ezbardina egindako personak: (gehiago…)

Bediako andren ekarpena ondarean, bideoan jasota

0
Argitaratze data: 2018-11-07 Kategoria: Ekitaldiak, Etnografia

Andren lekua ondarearen transmisinoan izan da aurtengo Ondarearen Jardunaldietako gaia. Gai horreri helduta, Bediako andren ekarpenaren barri batu dogu bideo baten.

Belaunaldi ezbardinetako lekukoen bitartez, familia barruan, herrian, lanbideetan eta ohituretan ze aldaketa egin diran jaso dogu. Gauza batzutan asko aurreratu dogu, beste batzutan ez hainbeste; arlo batzutan bardintasunerako bidean goaz, beste batzutan, urruntzen, antza. (gehiago…)

Labayru gaur

Bilatu

Saskia

Artxiboa

Kategoriak