Tag: Luis Manuel Peña
Hil honetan Onda Vasca irratian asteko saio bat egiten hasi gara etnografiako gaiei buruz. Hemendik aurrera, eguenetan eguerdiko 12:00ak inguruan, Labayru Fundazioan landutako etnografia eta ondareko gaiak azalduko ditu lau laguneko taldeak txandaka. Gaiok batzutan egutegiko jai-ospakizunen ingurukoak izango dira, eta beste batzuetan orokorrak.
Lehenengo saioa Akaitze Kamiruagak egin dau sarrera antzera. Hemen audioa.
Bigarrenean Luis Manuel Peñak Inauterien ganean berba egin dau, Eguen Zuri egunez suertau da eta.
“Karrantza ezagutuz” izenburuagaz jardunaldia egin dabe Karrantzan maiatzaren 26an. Herriagaz zerikusia daukien gaiei buruz berba egiteaz ganera, El Pingano errotaren bisitaldia egin dabe. Programaren barruan, Luis Manuel Peñak hitzaldia egin dau Atlas Etnográfico de Vasconia programari buruz eta, zehatzago, nekazaritzaren ganean egin barri dan aleari buruz.
Hitzaldian egitasmoaren historia azaldu dau, eta egitasmoaren sortzailea, José Miguel de Barandiaran, Karrantzako Manuel López Gilegaz lotu dau; izan be, Barandiaranen ikaslea izan zan eta 1921etik hasita Anuario de Eusko Folklore aldizkarian lotuta agertzen dira.
Jardunaldian Sergio Gonzálezek be parte hartu dau, Apuntes de etnografía blogean parte hartzen dauenak, material grafikoagaz batez be. Miguel Sabino Díaz be hizlarien artean izan zan; hau be Etniker Bizkaia taldeko kidea eta blogeko kolaboradorea.
Ondarearen Europako Jardunaldien barruan, Bizkaiko Foru Liburutegian “Bizkaiko paisaien eraikuntza” izenburuagaz eratu daben hitzaldi zikloan parte hartu dau Luis Manuel Peñak urriaren 26an. Bere hitzaldia “El paisaje rural tradicional de Bizkaia y sus transformaciones” gaiari buruz izan da, nekazaritzak, abeltzaintzak eta basogintzak izandako aldaketei buruz. (gehiago…)
Urriaren 19an Luis Manuel Peñak hitzaldia egin dau Derion Ondarearen Europako Jardunaldien barruan. Aurtengo gaia paisaia dala kontuan hartuta, hortik oratu deutso Luismak hitzaldiari, izenburu honegaz: “La actividad agraria y su reflejo en el paisaje”.
Nekazaritzak eragin zuzena dauka paisaian, argi dago. Nekazaritza motaren arabera, eta aldian aldian hartutako erabagien eraginez, paisaia ezbardinak ezagutzen ditugu gure artean.
Baina horren aurretik ‘paisaiari’ buruzko gogoeta batzuk egin ditu hizlariak: zer da paisaia kanpotik ikusten dogunean, eta barrutik paisaia horren parte garanean?
Jakintzaz ganera, gogoetarako be hainbat gai jarri ditu mahai ganean. Oso interesgarria!
Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
