Tag: toponimia
Aurtengo proiektuen artean Sukarrietako toponimia aztertu dogu, bai etxeen izenak bai lekuenak, toponimia nagusia esaten dana. Hori Sukarrieta itsaso eta lehor. Toponimia de Sukarrieta izeneko liburura ekarrita aurkeztu dogu abenduaren 2an, Euskerearen Nazinoarteko Egunaren bezperan. (gehiago…)
Aspaldion toponimiagaz lotutako hainbat egitasmo euki doguz eskuartean, eta beti dagoanez zer ikasi, prestakuntza saio bi egin doguz ikuspegi banatatik. Saio biak interesgarriak izan dira sano, eta aurrerantzean be sakontzen jarraitu beharra ikusi dogu.
(gehiago…)
Amaia Agirre Getxoko alkateak Argia Ereiten Euskera saria emon eutsen abenduaren 2an Victoria Bengoari, Josu Larrañagari eta Armando Llamosasi, herriko toponimia ibilbideen diseinuan eta edukiak lantzen egindako ekarpenagaitik.
Sari horren bitartez, hiru adituok goratu gura izan dabez hizkuntza eta kulturea zabaltzeko beste era bat asmatzearren, eta ondare kulturala ikuspegi zabalagaz erakustearren. Izan be, toponimia oinarria dala, ibilbide batzuk sortu, eta bidean dagozan ondarea, ondasunak, natura, arkitektura, ohiturak… erakusteko modua sortu dabe. Hainbat herritarrek egin dabez ibilbideok gero, herria hobeto ezagutzeko, gainera.
(gehiago…)
Bilbon hara-hona. Leku-izenak eta euren arrastoak izeneko liburuak Bilboren barri emoten dau, baina toponimia gidari dala. Hau da, Bilboko hainbat leku-izenen bitartez, lekuon ganeko hainbat informazino emoten da.
Lan korala da, 40 artikulu ditu, hainbat idazlek onduta. Ikuspegia ezbardina da batetik bestera: historikoa, linguistikoa, anekdotatan oinarritua… Danak oso interesgarriak eta jakingarriak.
Toponimia leku-izenak aztertzen dituan disziplina da, eta oso lagungarria da lekuotako bizimoduaren barri emoteko. Geografia, orografia, lanbideak, persona ilustreak… hainbat jakingarri adierazten dabez.
(gehiago…)Bilbo-Abando
Colon de Larreategi 14, 2. esk.48001 Bilbo (Bizkaia)
Tel.: +34 94 443 76 84
labayru@labayru.eus
Derio
Larrauri 1A, 5.a48160 Derio (Bizkaia)
Tel.: +34 94 406 01 71
idazkaritza@labayru.eus
Bilbo-Bolueta
Metroalde eraikinaBilbo-Galdakao errep. 6A
48004 Bilbo (Bizkaia)
Tel.: +34 94 607 72 10
labayru@labayru.eus
