Labayru Gaur

Igone Etxebarriak parte hartu dau aurtengo Arriagako irakurraldian, Labayru ordezkatuz, Kirmen Uriberen nobelaren pasarte bat irakurtzen.

Bilbo Zaharra euskaltegiak urtero antolatzen dau Klasikoen Irakurketa Jarraitua, bakotxean idazle baten idazlana hartuta. Aurten XVII. edizinoa egin dabe, Kirmen Uriberen Bilbao-New York-Bilbo nobelea aukeratu dabe, 2008an Espainiako Kritika Saria hartu ebana euskerazko nobelaren alorrean. Urteroko moduan Arriagan egin da ekitaldia, ekainaren 6an.

Irakurleak gizarteko arlo guztietako ordezkariak izaten dira, ordezkari publikoak, enpresa, erakunde eta alkarteetakoak, kultura eta kirol mundukoak, eta batez be euskerea ikasteagaz lotutakoak. Euskaltegietan eta ikastetxeetan ikasten daben ikasleek hartzen dabe pisurik handiena.