Labayru Gaur

Aurreko urteetan moduan, aurten be Bizkaia Irratian aste birik behin parte hartuko dogu gure egitasmoen barri emoteko. Lau Haizetara saioan, eguerdi aldera sartuko gara ordu lauren inguruan, Rosi Guarrotxenak gidatzen dauen saioan. Bertan, unean unean eskuartean darabilguzan egitasmoen barri emongo dogu.

Ikasturte honetako lehenengo kolaborazinoa urtarrilaren 30ean egin dogu. Eskolak hasteko dagozanez, oingoan ikasturterako eskola-eskaintza erabili dogu, zelako ikastaroak dagozan, zelan izena emon, jentea euskera ikastera animau…

Horrez ganera, han hor hemen emoten dogun teknikari-zerbitzua be aitatu dogu. Bai enpresetan bai udaletan, euskerearen erabilera normalizetako planak egiten eta eurok aurrera eroaten laguntzen dogu, euskera teknikari zerbitzuaren bitartez.

Ahaztu barik itzulpen zerbitzua be badaukagula, batez be gaztelania-euskera, euskera-gaztelania itzulpenak egiteko.

Hurrengo saiorako beste era bateko egitasmoak eukiko doguz azaltzeko eta aurkezteko.