Labayru Gaur

Ikasturte honetan euskerako eskolak emongo doguz Otxarkoaga Lanbide Heziketako ikastetxean, eskoleak berak eskatuta. HABEk diseinautako AISA metodologiako ikasketak izango dira, batez be beste jatorri bateko ikasleei, egundo euskereagaz zerikusirik euki ez dabenei zuzenduta. Beraz, oinarri-oinarrizko euskera praktikoa ikastea izango da helburua.

Horretarako, ikasturtean zehar hirurogei orduko ikastaroa egingo dabe, euren eskolaorduetan txertatuta. Lanbide Heziketako lehenengo mailako ikasleek hartuko dabez eskolok, bertan sortu diran zazpi taldeetan. Hori prestetan ibili dira Naiara Aizpurua eta Leire Agirre Labayruko irakasleak, Ane Gezuraga Otxarkoagako eskolako arduradunagaz koordinauta.

Eskaria eskolaren aldetik etorri da, ikasleon etorkizunean lanerako euskerea lagungarri izan leikielakoan. Euskereagaz batera, euskal kulturara hurreratzeko ahalegina egingo da, hizkuntza gizartean txertatuta ikusi daien.