Labayru Gaur

Irailetik aurrera Euskalduna Jauregian euskera-plana lantzeko diagnostikoa egiten gabilz. Zaloa Aranzabal teknikaria dabil horretan, aurtengo abendurako diseinua eginda eukiteko ustean.

Euskaldunak 2018an onartu eban lehenengo euskara plana; urte hartan landatutako hazia sustraitu eta, harrezkero, hizkuntza-irizpideak zaindu dabez, Euskera Batzordea mantendu, langileei euskera ikasteko baliabideak eskura jarri… Eusko Jaurlaritzaren VII. Plangintzaldiagaz lerrokatuta, euskerearen normalizazinoaren bidean aurrerapausoak emoten jarraitu gura dabe.

Horren arabera, orain koordinazino-batzarrak eta egoerea neurtzeko azterketak egiten dabilz. Emaitzaren arabera, hurrengo urteetan gidari izango daben plana sortuko da, hainbat jarduera eta ekintza barruan dirala.

Honezkero bertako beharginei azaldu jakie euskera-plana indarrean jartzen hasi dirala eta horrek ze pauso izango dauan aurrerantzean.