Labayru Gaur

Urteko egutegiaren barruan, urtez urte errepikatzen dira aratusteak. Zelan edo halan, udabarriaren etorrerea, naturearen berpiztea eta soloko lanen hasierea marketan deuskue jai honeek.

Aratusteak, jaiegun solteak barik, ziklo bat osatzen dabe; baina ziklo hori noiz hasten dan jakitea ez da erraza sarri askotan; izan be, herritik herrira aldatu egiten dira datak, ohiturak eta eurak ospatzeko moduak. Halanda be, badira gehienetan errepikatzen diran ezaugarriak: jatekoak, janzkerea, jokabideak, kantuak… 

Eta hain zuzen be, pasa dan otsailaren 16an, horren eta beste hainbat bitxikeriaren barri emoten hurreratu ziran Itziar Rotaetxe eta Ziortza Artabe Txorierriko Udal Euskaltegira. Bertan, maila guztietako ikasleak egon ziran, eta, hitzaldia amaitu eta gero, ikasleek ekarririko tostada-txapelketea euki eben. Ostean, txokolateagaz batera jan ebezan tostadok, giro ezin hobean.