Labayru Gaur

Euskararen Aholku Batzordea barriztau egin dabe Bilboko Udalean agintaldi barriari begira. Euskalgintzako kideak ez eze, alderdi politikoak, industria, beste kulturak, kirola eta astialdia, teknologia eta ekonomia arloetako kideak be sartu dira, euskerea zeharkakoa dala erakusteko. Arlo guztietan sartu behar da euskerea.

Labayru Fundazioak be ordezkari barria dauka Batzordean. Biosne Zarandonak ordezkatuko gaitu aurrerantzean, orain arte hainbat urtetan egon dan Jokin Gorozikari lekukoa hartuta.

Horrez gainera, Labayruk laguntzen dau Aholku Batzordea dinamizetan, udaleko teknikari eta arduradunakaz batera. Horretaz Ziortza Artabe arduratzen da.

Lehenengo batzarrean, apirilaren 30ean, kideak aurkeztu, eta aurreko agintaldian egindako jardueren laburpena eta memoria azaldu zan. Horrez gainera, aurrera begira zer landu gura daben eta zelako metodologia erabiliko dan adierazi eben.

Lan ona egitea opa deutsegu, euskerearen onerako izango da-ta.