Labayru Gaur

Gure herri tradizinoan ume txikiakaz jolasteko edo kantatzeko ohikoak izan diran abestiak batu doguz Txalopin txalo izeneko argitalpenean. Lan honen helburua gure ahozko ondarea berreskuratzea eta transmititzea da. Horretarako, Durangaldeko edadeko lekukoengana jo dogu, belaunaldiz belaunaldi, etxean ikasita, eurengana heldu diran ahozko kantuak batzeko.

Abestiak era askotakoak dira: ume txiki-txikiak lokartzeko, egoera desbardinetan jolasteko, urte sasoi jakin batzuetako ospakizunetan abesteko edo gure herri kantutegian ezagunak diren aleak, besteak beste. Kantuen letrak partituraz lagunduta datoz. Halanda be, koplen eta bertsoen kasuan, guk soinu bat proposatu arren, beste melodia batzukaz be abestu daitekez. Letren bersinoen kasuan, beste horrenbeste gertatzen da, etxe batetik bestera eta herri batetik bestera, aldaera desbardinak dagozanez, halakoetan, biak jarri ditugu.

Egitasmoa Durangoko Merinaldearen Amankomunazgoak eskatuta egin dogu, gure herri kantutegia ezagutzeko eta balioan jartzeko.