Labayru Gaur

Labayruko Laguntzaileen urteko batzarra atzeratuta etorri da aurten, udabarrian egin beharrekoa zan eta. Urriaren 22an batzartu ziran Laguntzaileok, Indautxuko Karmengo eleizako aretoan. Beste urte batzutan baino jente gitxitxoago alkartuta, baina betiko erara egin zan.

Artezkaritzako presidenteak, Jokin Gorozikak, gidatu eban batzarra. Lehenengo agurragaz batera, aurreko batzarretik hona hildako laguntzaileak gogoratu zituan, eta batez be, Gurutzi Arregi, urte askoan Labayruko arima izandakoa.

Horren ostean, ohiko puntuak bete ziran: aurreko urteko batzarreko akta onartu, eta iazko jardueren laburpena, iazko diru-zuriketa eta aurtengo aurrekontua aurkeztu. Puntuok guztiok onartu egin ziran. Horren ostean, Artezkaritzako karguak barriztau ziran.

Amaitzeko, barriro be Gurutzi gogoan, bera hil zanean egindako bideoa ikusi genduan.

Ezohiko batzarra izan zan, berandu etorri zalako, eta gagozan egoeran egonda jente gitxiagok parte hartu ebalako. Baina bere egitekoa ondo bete zan, datorren urtean beste egoera baten ospatzeko esperantzeagaz.