Labayru Gaur

Miren Agur Meabek euskaltzain oso gisa sarrera-hitzaldia egin dau Lekeition apirilaren 22an. Ekitaldi instituzionala, akademikoa eta herrikoia izan da, dana aldi berean. Euskaltzaindiko kideakaz batera egon dira Jaurlaritzako, Aldundiko eta herriko agintariak, lagunak, herritarrak eta abar.

Hitzaldian bere literatur sorkuntzan itsasoak hartzen dituan hainbat ikuspegi garandu ditu. Erantzuna Castillo Suarez idazleak emon deutso.

Miren Agur Meabe Derioko Udako Ikastaroan ikasle eta irakasle ibili zan. Handik lasterrera hasi zan idazten, eta Idatz & Mintz aldizkarian parte hartzen. Harrezkero hutsik egin barik kolaborau izan dau aldizkarian. Baina horrez ganera, beste lan batzuk be Labayrun argitaratu izan ditu, Uneka… gaba (1986) ipuin-bilduma eta Oi hondarrezko emakaitz (1999) poema.

Lekeitioko ekitaldi horretan Labayruko lagunak be egon ziran, berari laguntasuna adierazteko. Zorionak!