Labayru Gaur

Amaia Agirre Getxoko alkateak Argia Ereiten Euskera saria emon eutsen abenduaren 2an Victoria Bengoari, Josu Larrañagari eta Armando Llamosasi, herriko toponimia ibilbideen diseinuan eta edukiak lantzen egindako ekarpenagaitik.

Sari horren bitartez, hiru adituok goratu gura izan dabez hizkuntza eta kulturea zabaltzeko beste era bat asmatzearren, eta ondare kulturala ikuspegi zabalagaz erakustearren. Izan be, toponimia oinarria dala, ibilbide batzuk sortu, eta bidean dagozan ondarea, ondasunak, natura, arkitektura, ohiturak… erakusteko modua sortu dabe. Hainbat herritarrek egin dabez ibilbideok gero, herria hobeto ezagutzeko, gainera.

Labayru Fundazioak hiru bideo egin zituen Getxoko ibilbide toponimiko horiek erakusteko, hiru saridunok bertan parte hartuta. Gogoratu egingo ditugu:

• Betiko Getxo: itsasoaren laztanpean: Elexalde-Askorri-Punta Galea-Bentazarra.

• Portu Zaharretik Aixerrotara: Portu Zaharra – Arrigunaga – Aixerrota

• Neguriko ibilbidea: Neguri – Bizkaia Zubia.